عفاف شعيب عن محمد سامي: عصبي وباكره تصرفاته.. وهذا المشهد سبب خلافي معه | فيديو

كشفت الفنانة عفاف شعيب، خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس"، السبب وراء كراهيتها للعمل مع المخرج محمد سامي.

وأوضحت عفاف شعيب: "هو مخرج شاطر وكويس ودي شهادة لله، ولكني أكره تصرفاته، وهو عصبي جدًا في التصوير".



مشهد الخلاف

ولفتت: "أول مرة أشتغل معاه كان بيخرج مسلسل "آدم".. وكنت ساعتها عندي مسلسل تاني "دوران شبرا".. وكنت واضحة معاهم إني شغالة في مسلسل آخر، وهناك مشهد في العمل كان سبب خلافى معاه.. المفترض بيقبضوا عليا فيه، أنا والفنان الراحل محمود الجندي، وأولادي في العمل، وفيه عربية شرطة عالية أوي، ومفيش سلم ولا كرسي فقال: "ياللا اطلعوا، فقلت له: أطلع ازاي؟ هات سلم، فقال لي الكاميرات مترشقة، فجاء حجاج عبد العظيم ومحمود الجندي.. وقالوا: احنا هانشيلك.. فقلت لهم: ولا حد يلمسني، ومش هاعمل المشهد ده.. وقتها المنتج محمود شميس قاللى: معلش المشهد ده هيكلفني 150 ألف جنيه، وكنا في 2 رمضان، فقلت: يارب ساعدني، وحياة حبيبك محمد صلي الله عليه وسلم، ولقيت نفسي نطيت في البوكس.. وكنت تاني يوم في العناية المركزة، والمخرج محمد سامي، قال: دي بتتدلع".

العناية المركزة

وأشارت: "كل فريق عمل المسلسل زارني في العناية المركزة إلا محمد سامي علشان قال بتتدلع، وانا طول عمري ملتزمة".