ريهام سعيد عن مرضها: "كنت بموت وشالوا مناخيري بالغضاريف والعضم"|فيديو

قالت الإعلامية ريهام سعيد:"إعلاني لمرضي بعد قرار وقفى من الظهور الإعلامي مكنش محاولة لاستعطاف الناس زي ما اتقال".

فترة الإيقاف
وأوضحت خلال لقائها ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"انا أتوقفت بعد مرضي بـ 6 شهور ".


مرض ريهام سعيد
وأشارت:"أنا شيلت مناخيري 3 مرات في شهر بالغضاريف وحطيت وداني في مناخيري لأنى كان عندي مشكلة صحية في مثلث الموت".
وتابعت:"أنا اصلا بنت ناس قبل لما أكون اعلامية واللى يعملوا نفسهم عيانين دول عندهم نقص.. إزاي ولادي وأهلى يبقوا عارفين انى بكذب علي الناس..انا واحدة عندي 45 سنة ايه الهيافة انى اطلع اكذب علي الناس واستغل المرض من اجل الشهرة ..اسألوا حورية فرغلي عن مرضها وانا كنت زيها".

وقالت الإعلامية ريهام سعيد في نفس اللقاء: "نزار الفارس اخطأ في أزمته مع الفنانة رانيا يوسف لأنها طلبت منه حذف الإجابة على أحد الأسئلة ووعدها بالاستجابة لمطلبها ثم خالف وعده".

خسارة جمهور العراق

وأضافت: "هو مذيع مش مصري ورانيا يوسف مكنتش عايزة تخسر جمهور العراق.. وأنا مش عارفة إزاي مذيع عنده الجرأة يقول سؤال محرج زي بتاع المؤخرة".


رد فعل عنيف

وأكدت: "لو كنت مكان رانيا يوسف واتسألت سؤال المؤخرة كنت اديت المذيع نزار الفارس بالقلم على وشه".

وتابعت: "أنا أمينة جدا ولو فيه ضيف جالى وقالى احذفي سؤال هعمل كده".