غضب النشطاء من صاحب مطعم سياحي يقدم شيشة لمرتاديه ويرفض تنفيذ القانون

حالة من الغضب انتابت نشطاء مواقع التواصل الاجتماعي "فيس بوك وتويتر"، بعد تداول مقطع فيديو لصاحب مطعم سياحي وهو يقدم الشيشة، الممنوع تقديمها لمرتادي المقاهي والكافيتريات بسبب جائحة كورونا، لكن صاحب المطعم رفض الرضوخ للقانون، مقدمًا الشيشة لمرتاديه، ورافضًا تنفيذ الشرطة للقانون، بالرغم من تعاملها باحترافية مع الأمر.


بلطجة صاحب الكافتيريا
وعلق المهندس نجيب ساويرس، رجل الأعمال، على منع ضابط الشرطة من أداء مهمته قائلًا: "بلطجة".

وقال نور سفيان غاضبًا "من حق صاحب المقهى انه يتبلطج براحته حيث ان لديه اخت مذيعة مشهورة وزوجها نائب مجلس النواب فالبلطجه من حقه! والشيشه عنده طاهرة ومعقمة وخالية من فيروس كورونا...". 

وعلق سيد منوعات:  " قمة الذوق في التعامل من هذا الشرطي الذي يكفل له القانون التعامل مع المخالفة بدون الدخول في دهاليز بلطجة الشخص المخالِف واستعباطه على القانون، بالتأكيد لن تمر مرور الكرام". 

الشيشة والوباء
وقال من وصف نفسه بأولد إذ جولد: "الشيش اللى عنده اللى تنقل الوباء ده سياحية برضو؟ ولما حد يتصاب ويموت ده هيبقا دعم للسياحة برضو؟ ده بجاحه وبلطجه فعلآ وليها رد واحد بس كلنا عارفينه بس ده ظابط محترم وبيتعامل باحترام وانسانية مع إنسان عديم الـ... والإنسانية". 

ورد أحمد الورداني : " فعلا تطبيق القانون لازم يكون بيد من حديد في حالات التلبس اللي زي دي، واللي يزعل من الزباين... علشان يختار مكان ملتزم بعد كدا يقعد فيه وبالتالي الكافيهات اللي فيها شيشة حاتشيلها وصاحب القهوة لما لقى الظابط بيتكلم بادب هو قل ادبه زي فرعون اللي ملقاش حد يلمه". 



وأضاف أحمد :"البلطجي اللي مش مقدر ظروف البلد وبيقدم الشيشة رغم زيادة الحالات كل يوم". 

وقال خالد عبده :"ظابط محترم والله وصاحب الكافيه بجد الأصول يتعلق لأنه مخالف". 

يرفض تنفيذ القانون
وكان نشطاء مواقع التواصل الاجتماعي "فيس بوك وتويتر" تداولوا مقطع فيديو لصاحب مطعم سياحي يرفض تنفيذ ضابط شرطة برتبة عميد للقانون، بسبب إصراره على مصادرة الشيشة المضبوطة في المكان.

وتم تداول الفيديو على نطاق واسع، وعبر النشطاء عن غضبهم لرفض صاحب المطعم السياحية تنفيذ ضابط الشرطة للقانون، الذي لا يسمح للمطاعم والمقاهي بتقديم الشيشة لمرتاديها.
 
وتداول النشطاء قول ضابط الشرطة: "من منطلق أن حضرتك رئيس غرفة السياحة في مصر مينفعش الكلام ده، وده قرار رئيس جمهورية مش قراري أنا"، ليرد عليه صاحب المطعم "مينفعش بالمنظر ده أنا مش قهوة بلدي ودي منشآة سياحية ومينفعش تدخلها بالطريقة دي"، وطلب منه ضابط الشرطة إخراج باقي الشيش الموجودة في المطعم.