نيللي كريم تدخل في نوبة بكاء بسبب مرض والدتها| فيديو

قالت الفنانة نيللي كريم: "أكتر لحظة كسرتني في حياتي كانت مرض أمي، جالها جلطة في المخ، وكنت ساعتها بصور مسلسل "سجن النساء".

مرض الأم

وأضافت خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "كنت معتمدة اعتمادا  كليا علي أمي وهي اللى شايلة ولادي، وخلال تصوير مسلسل "سجن النساء" كنت تعبانة نفسيا وقررت أسافر عند ابنى إيطاليا، وبعد وصولي فوجئت بأم أصدقائي تخبرني بأن أمي في المستشفي، وعدت فورا إلي مصر".

واقعة المرض

وتابعت: "أمى كانت بتقلى بطاطس وفجأة سقطت على الأرض بسبب جلطة المخ وبنتى كندة كانت معاها وعمرها سنتان، وزحفت علي بطنها لحد المطبخ لما لقيت البطاطس ولعت وطفت البوتاجاز، والبيت كان امتلأ دخان، وبنتى كندة فضلت تعيط ونامت علي أمي وهي في غيبوبة".


انهيار من البكاء

وأكملت: "أمي ست قوية ولما رحت لها علي المستشفي انهرت من البكاء ومقدرتش استحمل".

وبكت الفنانة نيللي كريم علي الهواء: "حالة أمي كانت صعبة وانهرت لما شوفتها، وكلمت أخويا الموجود في أمريكا وقلت له تعالى لأنه دكتور ويعرف يتعامل معاها اكتر منى، لأنها مكنتش بتتكلم وظروفها صعبة وقلت استحالة تقوم من وعكتها الصحية، وساعتها حسيت إنى من غيرها ولا حاجة لأنها شايلة ولادي وهي ضهري وبتديني الأمان".

بكاء إيناس الدغيدي

ومن جانبها بكت المخرجة ايناس الدغيدي، قائلة: "عيطيني إنتى مش بس في المسلسلات".