سماح أنور: فوجئت بحب سمير صبري ولو كنت أعرف مكنتش فوته من إيدي | فيديو
قصة وفاء
وأوضحت سماح أنور: "هي مش قصة حب خالص هي قصة وفاء وصداقة وحميمة جدًا، وهو زيي عارف إن فيه ناس متحبش تعيش مع شريك حياة ولكن تقدر تبقى صديق رائع وعظيم".
صديق عظيم
وتابعت: "سمير صبري صديق رائع وعظيم، وهو أصلًا كان صديق أبويا وأمي من قبلي، ولما اشتغلنا مع بعض أول فيلم لقيته وكأني حد قريب وروحت ناحيته فجأة وهو كان محتضني في وقت طويل لأني كنت شاطرة ولطيفة ونجمة حلوة وهو عاصر معايا أزمات كتير في حياتي وهو كان حلَّال المشاكل".
فرصة الزواج
وأضافت: "فوجئت لما عرفت أن سمير صبري بيحبني ولو كنت أعرف مكنتش فوته من تحت إيدي، وأنا زعلانة أنه أعلن أنه كان عايز يتجوزني وما أعلنش وخدت عليه الحركة دي".
وقالت الفنانة سماح أنور، في حديث سابق لنفس البرنامج: إنها ليست مقتنعة بمشروع الزواج على الإطلاق.
سبب عدم الزواج
وأضافت: "سبب عدم اقتناعي بالزواج أنني لم أر شخصًا متزوجًا إلا وكان دعاية سيئة جدًا لهذا المشروع".
شكوى الزواج
وتابعت: "طالما الكل يشتكي من الزواج فليس هناك ما يدفعني أني أجرب حاجة كل الناس بتعيط لما تتكلم عنها".
نقطة ضعف الرجل
وأكملت: "أنا مبشتكيش خالص وباصحي براحتي وبانام لوحدي ومتفرغة لابني وشغلي ولأحلامي.. ودي الطبيعة اللي أي ست عندها أحلام وطموحات تقدر عليها.. الراجل هو اللي مايقدرش يعيش من غير جواز مش الست".
سماح أنور
وقالت الفنانة سماح أنور في لقاء سابق: إن الطعام بالنسبة لها هو الحب الأول، وأنها تعشق الطعام، موضحة أنها حصلت على دورات تدريبية في إعداد الطعام.
