نيللي كريم عن هجوم محيي إسماعيل علي السينما: عنده حق والجيل المثقف اختفى

علقت الفنانة نيللي كريم، علي هجوم الفنان محيى اسماعيل لها بسبب مشاركتها في لجنة تحكيم مهرجان القاهرة السينمائي، قائلة:"أنا بحبه وهو فنان مثقف ومن الشخصيات الجميلة اللى نفسي اعرفها".

صدق محيى إسماعيل
وتابعت خلال لقائها ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"محيى اسماعيل عنده حق في غضبه وحزنه علي حال السينما واللى بيحصل فيها لأن فيه مشكلة حقيقية في اختفاء الجيل السينمائي المثقف، ومفيش سيناريوهات تكتب لجميع الأعمار وفيه سيناريو بيبقى متفصل علي حد بعينه وليه حد يزعل".

شخصية كلاسيكية
وأكملت:"أنا بميل لجيل زمان ويمكن علشان ان شخص كلاسيكي يقدر القيم والمباديء ولما مودي بيبقى وحش بحب أتفرج علي الأفلام القديمة لأن النهايات بتاعتها بتبقى سعيدة، وبحب اتفرج علي افلام الكرتون".


وكشفت الفنانة نيللي كريم لأول مرة خلال برنامج "شيخ الحارة والجريئة" عن تعرضها للخيانة.

الموقف من الخيانة الزوجية
وتابعت:"ماقدرتش أغفر الخيانة اللى اتعرضت لها وأخدت موقف، ممكن أتناسى الخيانة لكن مااغفرش، والناس بتطلق علشان العشرة بقت وحشة".

وأضافت:"مش ممكن أبدا أرد الخيانة بخيانة ولا بعد حين لأنى أحسن من كده".


سبب الانفصال
وعن أسباب انفصالها عن زوجها بعد ارتباط استمر 11 عامًا، أوضحت نيللي كريم:"مكنش فيه تفاهم ونكدنا علي بعض، ولكن أنا نكدى أجنبي وبيقلب بسكوت وباخد قراري فجأة وأنا اللى طلبت الطلاق".