سمية الخشاب فريسة جديدة لـ"رامز عقله طار".. الفنانة: استخدمت أسلحتى الفتاكة.. ورامز جلال يقسو عليها في لعبة البندقية
![فيتو](images/no.jpg)
بطروخ الفن وبقلويظ الغناء
ووصف الفنان رامز، سمية الخشاب بـ": الاستكاوزاية والوحش الإسكندراني.. الجسم بلطي والوسط لباني".
وقال: "في خامس جوازة افتكرت نفسها صغيرة على الحب وعلي السوشيال ميديا الفرح اتقلب طهور".
وتابع رامز جلال: "معانا سمية الخشاب بطروخ الفن وبقلويظ الغناء".
زيجات سمية الخشاب
وسخر رامز جلال من كثرة زيجات الفنانة سمية الخشاب الفاشلة، قائلا: "سمية ست قوية جوزاتها حوالي 100 وعلمت قريشانات بس اخر جوازة اضربت لما عرف انها نايمة علي خميرة درهم على جنيه".
وأضاف: "هنرميها قوام في المية وتبقى من الأموات".
كما سخر الفنان رامز جلال من "لوك" سمية الخشاب في برنامج "رامز عقله طار" قائلًا: "حاكمة مملكة الشرابات الفامية..انتى نازلة اسبوع الموضة في الدقهلية.. دي واحدة بتفهم في الموضة؟.. دا انتى ليلتك سودة تسريحة مها صبري في بين القصرين بتصبغ شعرها عند عطار".
سبب فشل زيجات سمية الخشاب
وظهرت الفنانة سمية الخشاب، في حالة بهجة وسعادة مفرطة الأمر الذي استفز الفنان رامز جلال في السخرية منها.
وقال رامز جلال: "اللوك متدمر خلقة.. اتخضينا لما شوفنا الترينج اللى انتى لبساه.. البت مهيبرة وعايزة حقنة من اللى بيخدوها الخيل.. انتى مالك بتتنططي ليه دى قلبت عبيط.. داخلها مش طفل ده واحد عبيط وهنطلعه النهاردة".
وتابع رامز جلال: "بعد اللطافة اللى شايفها عرفت سمية الخشاب مبيعمرلهاش جوازة ليه؟"
أسلحة سمية الخشاب الفتاكة
وأجابت الفنانة سمية الخشاب بصراحة وجرأة شديدة على سؤال الفنان حسن عسيري: هل استخدمتِ أي أسلحة قبل ذلك؟.
وقالت الفنانة سمية الخشاب: "استخدمت أسلحتي الفتاكة"، ليعقب الفنان رامز جلال: "واحنا هنلعب معاكى المساكة".
وعن لعبة الثور علقت سمية الخشاب: "عندي مشكلة في الأذن الوسطي وكويس انى متوفقتش مع الثور"، ليعقب رامز جلال: "هو كان هيتجوزك".
وأشارت سمية الخشاب إلي أن أكثر الحيوانات التي تحبها هي الثعابين.
ضرب موجع لـ سمية الخشاب
وأمطر الفنان رامز جلال خلال لعبة "البينت بول" ببرنامج "رامز عقله طار" الفنانة سمية الخشاب بالعديد من الطلقات.
رامز جلال عرض الفنانة سمية الخشاب لأكبر عقاب لأي ضحية بببرنامج "رامز عقله طار" ليظهر خفة ظل الفنانة في ردود افعالها.
وقالت سمية الخشاب: "يا أولاد العفريتة.. يا حيوان ياللى بتضربني.. بس ده بيتسهبل ياريت يبطل علشان هشحوره.. بتضربوني في الخلفية عيب ميصحش".
ورفضت سمية الخشاب استكمال اللعبة قائلة: "لأ بتوجع مش هكمل".
وعلق رامز جلال: "بعد اللى شوفته منها كان نفسي الرصاص يبقي حقيقي بس للأسف".
رعب وصراخ سمية الخشاب
وسيطرت حالة الخوف والرعب على الفنانة سمية الخشاب خلال كبسولة برنامج "رامز عقله طار" المذاع علي قناة "mbc مصر" .
ودخلت الفنانة سمية الخشاب في نوبة صراخ وانهارت بعنف في كبسولة "رامز عقله طار".
وأصيبت سمية الخشاب بالدوار بسبب المشكلة التقنية لكبسولة "الهوب دروب" واستغاثت من أجل انقاذها وظلت تردد:""اوه ماي جاد".
وأجبرت الفنانة سمية الخشاب علي القفز من كبسولة "الهوب دروب" الي حمام السباحة علي بعد 13 مترا.
جينفير انستون
وجاء رد فعل الفنانة سمية الخشاب بعد اكتشاف مقلب الفنان رامز جلال ببرنامج "رامز عقله طار"، كوميدي.
وطلبت الفنانة سمية الخشاب من رامز جلال أن يتركها بعد انتهاء المقلب، قائلة:"سيبنى يا مجنون".
وسأل رامز جلال، سمية الخشاب، "ايه موضوع أوه ماي جاد اللى فوق ده.. مفكرة نفسك جينيفر انستون؟"، لترد الفنانة: "اه أنا أحسن منها واشطر منها".
وتابعت سمية الخشاب: "هوديك يا رامز عند دكتور أمراض نفسية متطرف علشان انت مش عايز تعقل".