شريف إكرامي: بيراميدز اتظلم بسبب رمضان صبحي.. وميزانية النادي أقل من الأهلي

قال شريف إكرامي حارس مرمى بيراميدز، إنه راض تمامًا عن الفترة التي قضاها بين جدران النادي الأهلي ومساهمته خلال 10 سنوات في تحقيق 23 بطولة للمارد الأحمر.

ظلم بيراميدز

وأشار "إكرامي" خلال برنامج "العرافة" المذاع على قناة "المحور": "بيراميدز تعرض لظلم كبير في قضية رمضان صبحي".

ميزانية بيراميدز

وأكد: "ميزانية بيراميدز أقل من ميزانية الأهلي والزمالك، والفلوس اللي باخدها زي اللي كنت باخدها في النادي الأهلي".

وحذر شريف إكرامي حارس مرمى نادي بيراميدز خلال نفس اللقاء، محمد الشناوي حارس مرمى النادي الأهلي من الحسد وتأثيره في أدائه.

التحصين ضد السحر

وتابع: "محمد الشناوي الحارس الوحيد اللي يتحسد على مستواه، ولازم يحصن نفسه".

الحسد والسحر

وأكد: "اتحسدت في 2006 و2007 والحسد عندي كتير مش بالتكهنات ولكن بشوفه بعينيا.. وأنا أؤمن بالحسد لأني اتأذيت منه كتير، ولكن  حصنت نفسي والحمد لله".

أعمال


وأضاف: "اتعملت لي أعمال واتحسدت من منافسين ليا، واتصبت إصابة طويلة سنة والثانية ومريت بفترة عدم توفيق غير عادية ولكن اتعلمت إزاي أحصن نفسي".

بطولة أفريقيا 2017

وأشار: "عدم لعب بطولة أفريقيا 2017 كان ابتلاء وقلت الحمد لله ومش عايز أتكلم أكتر من كده".

مارتن يول

وعن وضع الحارس رقم 4 خلال فترة تدريب مارتن يول للنادي الأهلي، علق إكرامي: "قال لى هبعدك عن المباريات بسبب الضغوط اللي عليك، ما كانش بيكرهني ولكن ما كانش فيه معايا كيميا ومكنتش مستغرب من رحيله بعد 3 شهور لأمور ترجع لشخصيته اللي مش بتناسب الأهلي".