منى عبدالوهاب: نفسي استفز محمد رمضان.. وهذه حقيقة إيمان البحر درويش | فيديو

هاجمت الإعلامية منى عبد الوهاب، الفنان إيمان البحر درويش، قائلة: "قصدت أطلعه في حلقتي منافق وظهر أنه رجل بيقول كلام وبيعمل عكسه".


وتابعت خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "مش أنا اللي طلعته منافق لأنه هو اللي ظهر بوجهه الحقيقي قدام الناس".


حلقة إيمان البحر درويش


وأضافت:"بعد تصوير حلقتي مع إيمان البحر درويش قرر يمشي قبل انتهائها وكان عايز اللى اتصور يتمسح، وده مكنش ملكنا ولا ملكه وتم عرض الحلقة".




المخرج عمرو سلامة


وعن علاقتها بالمخرج عمرو سلامة:"هو حبيب ومأذنيش في أي حاجة ولكن علاقتي بيه دلوقتي مقطوعة ولكن مفيش عداوة بينا، ولو شوفته في أي مكان هسلم عليه لو ده ميزعجهوش، وهو كان راجل لطيف وجميل وكريم وشهم".



استفزاز محمد رمضان


وعن الفنان الذي تتمنى استضافته في برنامجها لاستفزازه، علقت منى عبد الوهاب:"محمد رمضان نفسي استفزه اسأله أسئلة كتير وقدر يحقق نجاحات كبيرة وهو سنه صغير برغم إنه خرج من أسرة بسيطة ومحدش فينا يقدر يقول لو مكانه هيبقى متزن ولا لأ، وهو عنده حاجات كتير حلوة منها المثابرة على الحلم وبار بأهله وأتمنى الناس تاخده قدوة ليه".


وواجهت المخرجة إيناس الدغيدي في نفس اللقاء، الإعلامية منى عبد الوهاب، بسؤال صادم:"ما هو سر عدائك ضد رجال الدين..انتى ملحدة؟".


ملحدة أم مؤمنة


وأكدت منى عبد الوهاب:"أنا مش ملحدة ..الحمد لله أنا مؤمنة جدا ومعنديش عداء مع رجال الدين، ولكن العداء تجاه طريقة تفكير معينة متعلقة بنشر السموم المتطرفة".




كارثة التدين الكمي


وتابعت:"التدين الكمي على رأي الدكتور عمرو الورداني يعد كارثة وقنبلة موقوتة، وكل اللى بيرهبوا الناس بالمعصية يتصدرون المشهد باللحي وبيحسبوا الدين بالكم أنا بكرههم، وأنا بكره تجار الدين".


وقالت الإعلامية منى عبد الوهاب في نفس اللقاء:" مش ندمانة على مهاجمتي للشيخ الشعراوي ودفاعي عن أسما شريف منير".