بيتنمروا عليا.. عمر كمال يكشف أسباب عدم تفكيره في الزواج | فيديو
سبب عدم الزواج
وقال عمر كمال: "السبب وراء عدم زواجي حتى الآن ناتج عن مشكلة عانيت منها متعلقة بالتنمر عليَّ؛ لأني أكثر شخص تم التنمر عليه".
دموع التنمر
وتابع: "أنا بدأت من تحت الصفر، وكنت بنام ودموعي على خدي من معاملة الناس ونظرتهم ليا، وكانوا بيقولي عليا: أنت لا نافع شكل ولا منظر ولا صوت وملكش شخصية".
قرار نهائي
وأضاف: "أنا عمري ما هتجوز لأني مش عايز حد يشاركني حياتي ومش عارف ليه، وأول لما بقرب من الجواز بحس أني متضايق وهتورط وهتربط وهتقيد، وأنا إنسان مزاجي جدًا علشان كده مفيش واحدة هتستحملني".
وقال مطرب المهرجانات عمر كمال في لقاء سابق لنفس البرنامج: "كنت بحب بنت الجيران وأنا في سادسة ابتدائي بجد مش أغنية ولساني اتقطع بسببها".
قصة الحب
وأضاف خلال لقائه ببرنامج "لحظات جريئة" المذاع على قناة "القاهرة والناس": "البنت اللي كنت بحبها كانت أكبر مني في السن وكان فيه ناس كتير حلوة بتحبها لأنها كانت جميلة".
ذكرى مؤلمة
وتابع: "كنت مرة بتتبع البنت اللي أحببتها وماشي وراها في الشارع فجأة وقع عليَّ لوح زجاج ولساني اتفتح فتحة كبيرة، واستمريت في الحب من طرف واحد، والقصة مكملتش لأنها كانت أكبر مني في السن".
قصص الحب الفاشلة
واستطرد: "معنديش قصة حب في حياتي اكتملت، وأنا فاشل جدًا في العلاقات العاطفية والحب".
