إلهام شاهين: رانيا يوسف تصرفاتها لفت نظر.. وفجر السعيد عدو لهذا السبب|فيديو
قصة حب يحيى الفخراني
وتابعت خلال لقائها ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"يحيى الفخراني حبيبي جدا وأجمل مسلسل عملته كان معاه الناس بتكلمني عنه "نصف ربيع الاَخر" بس قصة الحب في العمل ماكنتش حقيقية والموضوع كان تمثيل ليس إلا وبعيش اللحظة بصدق وفي المشاهد كانت عينيا بتحبه جدا".
حنان ترك
وأضافت:"حنان ترك ممثلة جميلة وكنت أتمنى إنها تكمل في التمثيل ولكنها اعتزلت واتحجبت وكل واحد يختار اللى هو عايزة، وهي حبيب مش عدو، ولكن هي مابتقتش في محيط الفنانين".
فساتين رانيا يوسف
وعن تصرفات الفنانة رانيا يوسف وفساتينها المثيرة، علقت:"تصرفاتها فيها لفت نظر، ووقفت معاها في موقف البطانة ودي بيحصل وعندي فستان مرة حصل معايا اللى حصل معاها ووارد يكون مش قصدها، أنا بحبها وهي ممثلة هايلة ولكنها هي بتبحث عن التريند".
أهم نجمة
وأكدت: أن يسرا تعتبر أهم نجمة في جيلها لأنه بدأت التمثيل قبلها عندما كانت هي وجه جديد.
وقالت الفنانة إلهام شاهين في نس اللقاء: "فضلت الشهرة عن الحب في أول حياتي وانفصلت عن أول حد حبيته وقتها، ولسه لحد دلوقتي أفضل الشغل عن أي حاجة شخصية".
قيمة الفن
وأضافت: "مفيش راجل هيديني اللى اداهولي شغلي.. شغلي أعطاني المكانة والثقة في النفس وحب الناس ليا والجماهيرية والجوائز والرجالة بيغيروا من الحاجات دي".
عقدة الرجال
وأكدت: "انا مش معقدة من الرجالة ولكنهم سبب المشاكل والست طيبة ودايما بتحب تكسب زوجها وهي أكثر رومانسية، وكل التجارب الشخصية عقدتني من الرجالة ولكن أنا نمرة شرسة ومعنديش تفاهم".
الأدوار الجريئة
وأكدت الفنانة إلهام شاهين: انها لا زالت قادرة على تقديم الأدوار الجريئة والمشاهد الساخنة في السينما، معقبة: "مابيفرقش معايا السن".
الإغراء
وتابعت:"لو مقتنعة بالدور الجريء همثله وماعنديش مانع ولكن الفنانة الصغيرة هي أجمل وجسمها بيبقي أجمل وشكلها مغري وفرص الإغراء بتبقى أفضل عندها".
مشاهد الإغراء
واستطردت:"أنا مش ضد الإغراء وعملتها بالفعل ومابخافش من أي حاجة ومقتنعة بالقيمة اللى أنا بقدمها، وأكتر فيلم قالوا إنى عاملة فيه إغراء كان "سوق المتعة" وبعتبره من أهم وأعظم أدواري لأنه من الأفلام المهمة في السينما المصرية والفيلم كان فلسفي من تأليف وحيد حامد وإخراج سمير سيف".
