أحمد بلال: كهربا سلوكه سيئ.. ومروان محسن لازم يحترم نفسه ويمشي من الأهلي |فيديو

قال الكابتن أحمد بلال لاعب النادي الأهلي ومنتخب مصر السابق: "لو كنت مدربا لكهربا بعد أزمته الأخيرة مع موسيماني أمشيه علطول لأنه تصرفه لا يمكن قبوله والغرامة اللى أخدها قليلة علي اللى عمله".


وتابع خلال لقائه ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"كهربا سلوكه سيء وكنت متوقع أن يؤدي افضل من اللى ظهر عليه في النادي الأهلي، وقلت هيبقى عنده تحدي واصرار وعزيمة بعد رحيله عن الزمالك، والتصريحات اللى قالها  انه عارف قواعد وأدبيات ومباديء الأهلي وفي الاَخر طلع مفيش خالص".







رحيل مروان محسن


وعلى جانب آخر، أكد بلال: "لو كنت مكان مروان محسن وشوفت اللى بيتعرض له من سخرية وتنمر كنت مشيت من النادي الأهلي ولازم احترم نفسي، وانا معرفش ليه مصمم يفضل في الأهلي رغم انه فقد الثقة في نفسه والجمهور فقد الثقة فيه".


شادي محمد والبورصة


وكشف الكابتن أحمد بلال في نفس اللقاء، تفاصيل خسارته وعدد من اللاعبين أموالهم في البورصة، بسبب شادي محمد مدافع الأحمر السابق.


خسارة البورصة


وأكد:"فضلنا نضارب بفلوسنا في البورصة لحد لما اتضربنا وخربت بيوتنا، وشادي محمد ودانا في داهية في القصة دي بعد لما خد فلوسنا وعمل فيها رجل اعمال وخسرنا كل اللي ورانا واللى قدامنا".


ورطة شادي محمد


وتابع: "شادي محمد جاب لاب توب وعمل فيها محاسب في بنك وقالنا السهم ده طالع والسهم ده نازل وحطينا فلوسنا في البورصة وكسبنا في الأول وقلنا شادي محمد أكيد جامد، وبعدين حطيت 300 ألف جنيه واقوله فين الفلوس يا شادي وطلعت طارت وخسرنا كتير جدا".


قضية نصب


وأشار:"اتورطت في قضية نصب في 2009 لما كنت في الأهلي في قضية معروفة بـ"قضية عثمان" ووقتها كنت مضحوك عليا الراجل خد منى 3 مليون جنيه ورجعهم ليا على 3 سنين من غير فوائد".