حمار بيقول لـ حمار القرف.. جالنا عمال على بطال من كتر شيل الهموم قناطير وأحمال
وقال الحمار
حمار وقال للحمار ياصاحبي مش شايف
أنت واخدني ورايح فين مانيش عارف
ولما أزهق حثور تاني ومش خايف
رد الحمار وقال ياصاحبي عايزينا نتكاتف
يبقي ضروري نقف في الشدة نتكاشف
ولو الحمير تعترض أقول لهم آسف
مش كل حبة الحمار يشكي لكم حاله
وكل مايشوف سعادتك يشكي مواله
طب ما أنت عارف حمارك القرف جاله
من كتر شيل الهموم قناطير في أحماله
لكن لقيت نظرتك على عكس أحواله
ارجوك بلاش فلسفة خد رأيه وسؤاله
إيه اللي تعبك بقي وقول من إيه ؟
يمكن يقول لك وتعرف سر إذلاله
