الرئيس السيسي: حادث قطاري سوهاج وجعنا كلنا.. ومشروعات النقل تتكلف 100 مليار دولار| فيديو
قال الرئيس عبد الفتاح السيسى بشأن حادث تصادم قطارى سوهاج: "حادثة القطر وجعتنا كلنا.. ولكن هي عاملة زى ما كلنا بنوضب بيوتنا.. وساعات بنوضب بيت جديد.. واللى بيكون قاعد في شقته وبيوضبها غير اللى بيكون بيوضب بيت جديد.. والالفين كيلو بتوع القطار السريع محدش حس بيهم".
وأضاف الرئيس السيسى: "التطوير على الشبكة القديمة بنعملهم في نفس الوقت.. عايز الناس تتحرك على السكة الحديد.. مش هتقدر تقول للناس استحملوا لحد لما نخلص.. ولما نعمل ده هيحصل تأخير.. لازم نستحمل.. البديل ايه.. انا بوضح ليكم.. الأنظمة الحديثة قادرة على التأمين في السكة الحديد.. والحتت اللى مش اتطورت العامل البشرى لسه بيدخل وممكن يحصل مشكلة".
جاء ذلك خلال مؤتمر صحفي عالمي بهيئة قناة السويس بشأن أزمة السفينة الجانحة بقناة السويس.
وقال الرئيس السيسي: "لدينا خيارات للتعامل مع تطوير السكة الحديد بشكلها الحالى.. أما التوقف النهائي أو التوقف النسبي أو تفضل زي ما هي ونتحمل الخسائر.. مش هقدر اتحمل الخسائر.. ساعة لما المشروع يخلص بشكل كامل أسالني مسألة سياسية وفنية لكن لما المشروع يخلص.. ومشروع النقل يتكلف 100 مليار دولار.. في كام سنة يا جماعة.. نحط ده .. احنا حاجة حلوة أوى بفضل الله".
