مسلسل أم فيلم؟.. كاملة أبو ذكري تحسم الجدل حول مصير الجزء الثاني من "١٠٠ وش"
وأشارت إلى أنه إذا كان هناك سيناريو قوي وأقوى من الجزء الأول يمكن هنا إنتاج جزء ثاني له، وألا يكون فقط مجرد تكرار، «النكتة لو قولتهالك مرتين مش هتضحكي عليها، أول مرة هتضحكي، تاني مرة هتبتسمي، وتالت مرة هتقولي خلاص، بس احنا أقرب لفيلم لما أقعد مع الكتاب ونلاقي الفكرة وممكن منلاقيش».
وأضافت «أبو ذكري»، خلال لقاء ببرنامج «معكم منى الشاذلي»، المذاع على شاشة قناة «cbc»، وتقدمه الإعلامية منى الشاذلي، «احنا وصلنا فعلا مع بعض وابتدينا نلمح فكرة وكتبناها في معالجة وقدمناها للأستاذ جمال العدل عشان ناخد موافقة الرقابة، وتقريبا قالوا أوك، بس انشغل في مسلسلات رمضان، فقولنا نأجله لانشغالهم بمسلسلات رمضان».
وعن البوست المثير للجدل عن نجوم «بـ 100 وش»، قالت المخرجة: «أنا اتضايقت من نفسي بسبب البوست ده، أنا مليش دعوة، كل واحد حر، اللي عايز يبقى مغرور يبقى، واللي عايز يتواضع يتواضع، أنا حبيتهم وأدركت حجم موهبة ممثلين 100 وش، أنا اتضايقت من البوست، عشان أنا كنت ممكن اتكلم في التليفون بدل دوشة السويشال ميديا».
على الجانب الآخر، قالت كاملة إنها تعرضت للتهديد بعد انسحابها من تصوير مسلسل زي الشمس التي كانت تقوم ببطولته الفنانة دينا الشربيني، وأضافت أنها انسحبت من تصوير الحلقة العاشرة ليستكمل المخرج سامح عبد العزيز المسلسل بدلا منها وأشارت إلى أنها تعرضت لتهديد من أحد الأشخاص بسبب تركها للعمل.
وقالت المخرجة كاملة أبوذكري، :"اعتذاري عن المسلسل من أفضل القرارات التي اتخذتها في حياتي".
و استكملت: «أخذت قرار الانسحاب بعد تصوير ١٠ حلقات، ورفضت أكمل إخراج المسلسل علشان مش عايزة أهزق نفسي فعندي أقعد في البيت ولا أهزق نفسي».
وتابعت: «حسيت أن وجودي في المسلسل مضايق ناس فكان لازم أمشي واضطروني أمشي من العمل وتعرضت لتهديدات أني لو مش هتسمعي الكلام مش هتلاقي حد يشغلك وإنتي مغضوب عليكي ولازم ترحلي وتسيبي المسلسل ولكن ربنا كرمني بمسلسل بـ100 وش».
واختتمت: «أنا عارفة الأسباب اللي خليتهم يهددوني بمغادرة مسلسل (زي الشمس) وقلت التجربة دي متخصنيش أبدًا وفي الحقيقة أني كنت متضايقة أني أسيب المسلسل علشان أحمد السعدني وريهام عبدالغفور».
