حقيقة حصول طالبة بعد تخرجها في الجامعة على حكم بزيادة مجموعها في الثانوية العامة | فيديو
![فيتو](images/no.jpg)
![](/content/upload/editor/Image1_3202124122248633872069.jpg)
"ملحوظة اتجوزت خلاص" و"هتحتفل بيهم مع حمادة ابنها".. تعليقات تم تداولها على خبر تم نشره على صور حبيبة فور الانتهاء من الامتحانات وهي في حالة فرحة برفقة زميلتها من عام 2019 يقول: "طالبة ثانوية عامة طعنت على نتيجة اللغة العربية 2015- 2016، والنهاردة المحكمة حكمتلها بدرجة ونصف بعد تخرجها من الجامعة"، ولكن تسببت تلك التعليقات والأخبار في أزمة نفسية للطالبة التي تم تداول صورتها على تلك الأخبار.
![](/content/upload/editor/Image1_3202124122327378191877.jpg)
وتروي حبيبة تفاصيل الصورة قائلة: "فوجئت منذ ساعات بتداول صورة لي برفقة زميلتي والتي تم التقاطها بعدسات المصورين خلال الانتهاء من امتحانات الثانوية العامة بـ 2019، وتداول أخبار كاذبة عليها اليوم".
وتتابع: "كنا خارجين من امتحانات الثانوية العامة انا وصحبتي وكنا مبسوطين وفرحانين اننا خلصنا امتحانات، والمصورين كانوا موجدين أمام المدرسة وصورونا، والكلام ده كان في 2019، وأول لما الصورة نزلت على الفيس اخدت الموضوع بهزار وضحك وقولت صورتي أصبحت تريند، وهيتم نشرها مرة ومش هتكرر، ولكن فوجئت بتداول الصورة أكثر من مرة على السوشيال ميديا منذ 2019 بتعليقات وأخبار كاذبة".
وتابعت: "النهاردة تم تداول صورتي بأخبار كاذبة ومفبركة على السوشيال ميديا ومش بس كده ده كمان فيه تعليقات سخيفة زي دي اتجوزت وخلفت، وموضوع صورتي المنتشر على كل خبر بقى بيضايقني وانا بنت واحنا في مجتمع شرقي لينا عادات وتقاليد ومينفعش كل شوية الصورة تنزل بالتعليقات دي".
وأضافت: "الموضوع بقى بيضايقني جدا ومسبب لي أزمة، وبتمني أن المواقع الإلكترونية ومنصات التواصل الاجتماعي توقف تداول صورتي، لأنه في حال تداول صورتي مرة أخرى سأقوم برفع قضية على من يقوم بنشرها".