حمار بيقول لحمار نفسنا نتعلم النظام | ساخرون

 وقال الحمار 

يا حمير بلاش كل حبة تنهقوا رافضين

ونظموا نفسكم واتحدوا ياحلوين

مش كل حبة الحمير تعيش كده تايهين

طول عمرهم للشقا وللحمول شايلين

وسنين طويلة في غُلب وبهدلة عايشين

سمع الكلام الحمار ضحك وقال عارف

كل اللي بتقوله ويقوله البني آدمين

بيقولوا إن الحمير جهلة ومش فاهمين

وبيركبونا عشان على ظلمهم ساكتين

ويقتلوا في بعضهم بحروب شمال ويمين

وإن حد شاجر أخوه يقول له أنت حمار

مع إننا بالأدب في وسطهم عايشين