الثورة مش سداح مداح واللي جاي أحسن من اللي راح!!
00 شلاليت 00
رايحين لفين الله أعلم رايحين لفين
كله واقف في الإشارة شمال يمين
نفسي مرة في أي حتة أستريّح
نفسي أعرف اللي حاصل جاي منين
ثورة قامت أيوه ثورة
والعباد نازلين مُحاورة
والحقيقة كل ما أكتب مرة حاجة
القي أيد مخفية ماسحة بالبشاورة
هو معني الثورة يعني سداح مداح !!
والنضال الشعبي كله يبقي راح !!
فهموني إيه الحكاية فهموني
لأ بقي ده الشعب مش ناقص نواح
نفسي أعرف إيه بقي هو الصحيح
هو أنا الجارح بقي واللا الجريح
ناس بتقبل ناس بترفض ناس في حيرة
نفسي أعرف مرة واحدة إيه المريح
كل حبة الناس بتندم والندم آخره خسارة
وادعاء الثورة حكمة مش شطارة
كلمة واحدة نفسي أقولها لكل ثاير
بص شوف الناس غلابة في كل حارة
توتة توتة حدوتتكوا في البداية
ولما تخلص فهموني إيه بقي هي الحكاية
بُكرة يندم كل واحد عاش ورافض
مصر مش ناقصة صراع يا ناس كفاية
