محمد سامي عن زوجته مي عمر: "نجاحها يثير غيرة وحقد الكارهين"

وجه المخرج محمد سامي عبر حسابه الشخصي على موقع الصور الشهير "إنستجرام"، رسالة رومانسية لزوجته الفنانة مي عمر.

ونشر محمد سامي صورة برفقة مي عمر معلقا عليها قائلا: "دى صورة ليا أنا ومى من ١١ سنة، كنا بنفكر في أحلامنا ومستقبلنا وبنتمنى حاجات كتير ربنا إدانا أكتر منها كمان، عشان حاجه مهمه بعد كرمه و عطاءه .

أضاف: عشان بجد بنحب بعض وبنساعد بعض طول الوقت في تحقيق أحلامنا، بيتهيألي اني صعب كنت أنجح فى شغلي من غير دعم و مساندة مى ليا طول الوقت، الدعم ده حاجات كتير قوى محتاجه مليون بوست عشان تتكتب كلها".

وتابع: "النهارده أنا وهي بنحتفل بنجاحها اللي تعبت فيه واشتغلت عشانه كتير ووفقت بصعوبه بين بيتها اللي مخلياه جنه ليا أنا وبناتي وبين أهلها وحياتها وشغلها وفي الاخر نجحت نجاح كبير يفرح بيها كل محب و يثير غيرة و حقد الكارهين.

اختتم: مبروك حبيبتي وبنتي ومراتي الغاليه، ودايما ناجحه ومتفوقه، و تحيه لكل ست ناجحه وعارفه توصل لنجاحها رغم واجباتها تجاه أسرتها".

View this post on Instagram

A post shared by Mohamed Sami (@directormohamedsami)

وعرض للفنانة مي عمر مؤخرا مسلسل "لؤلؤ"، والذي حقق نجاحا كبيرا، ودارت أحداثه في 40 حلقة من إخراج محمد سامي.

 كانت الفنانة مي عمر علقت في وقت سابق على الاتهامات التي توجه لزوجها المخرج محمد سامي بانحيازه ودعمه له بشكل مطلق في كل الأعمال الدرامية وآخرها مسلسل "لؤلؤ".

وأوضحت خلال لقائها ببرنامج "معكم" الذي تقدمه الإعلامية مني الشاذلي بقناة "cbc": "قالوا محمد سامي عامل مسلسل لمراته مي عمر مع إن المسلسل من إنتاج سينرجي مش جوزي".

وتابعت:"محمد سامي وقف في ضهري وساعدني بكل اللي يقدر يعمله سواء في الإخراج او الكتابة، هو جوزي وبيحبني وهو موجود في حياتي، واحنا متجوزين وبنجب بعض وعايشين حياتنا كويس".

أشارت:"مسلسل "لؤلؤ" من قصتي وليس تأليفي، وده أمر عادي وفنانين بره وجوا وأصحابنا وممثلين كبار وبيألفوا القصة لتقديمها وعرضها ودي مش حاجة غريبة وعمري ما كان نفسي إني أكون مؤلفة ولا مخرجة ولا مغنية ولكن أنا عايزة أبقى ممثلة، وكان نفسي اعمل حاجة حباها أوي وبجد من قلبي.

تابعت: "محمد سامي المشرف علي الإخراج والتأليف ودي حاجة مخترعنهاش وموجودة في مصر والوطن العربي".

عن ملابسها في المسلسل، علقت:" بلبس المناسب للشخصية، وفيه لبس متفصل والمهم التنسيق مش الماركات والبراندات وبعدين في الآخر هو لبس نجمة".