صلاح عبد الله: اشتغلت أعمال كتير مكنتش راضي عنها.. ومراتي باعت شبكتها | فيديو

كشف الفنان صلاح عبد الله، أنه مر بظروف مادية صعبة للغاية بعد زواجه حيث كان الأجر الذي يحصل عليه من الأعمال التي يشارك فيها خاصة مسلسل "سنبل بعد المليون" قليلًا جدًا.

وتابع خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "لما مراتي حملت في ابنتي دنيا وقتها اشتغلت أعمال كتير مكنتش مقتنع بيها ولا راضي عنها علشان أوفر فلوس وألبي احتياجات البيت".



وأضاف: "اشتغلت كتير للدرجة أنى كنت بمثل مع الفنان أحمد بدير ونمت قدام الكاميرا، ووقتها اشتريت التليفون الفوري مخصوص علشان الأوردرات ومراتي باعت شبكتها علشان أشتري التليفون وكان ساعتها قيمته أكتر من 2000 جنيه، وكنت أنبه عليهم محدش يتكلم في التليفون علشان لو في حد طلبني أمثل مشهد أو اتنين أروح".

وأكمل: "بنتي دنيا وش السعد عليا".