أحمد فهمي: كنت عصبي ومتسرع.. وهذا تأثير فيروس كورونا عليا | فيديو
وأكد أحمد فهمي أنه يمكنه وصف نفسه بالشخص الذكي والطيب والعصبي في كثير من الأوقات.
ولفت إلى أن فترة جائحة كورونا جعلته يعيش مرحلة الاتزان حسب وصفه، معقبًا: "قبل كورونا كنت شخصا متسرعا وباخد قراراتي بسرعة دون تفكير وروية، ودلوقتي بقيت متزن جدًا".
ولفت إلي أنه برغم من تأثره بمن حوله إلا أنه لا يثق إلا في آرائه.
وكان الفنان أحمد فهمي كشف خلال لقائه ببرنامج "بصراحة" المذاع على قناة "إم بي سي 1"، عن نصيحة والده له قبل وفاته.
وأضاف: "أبويا توفي وكنت في العقد الثاني، ولا يمكنني نسيان مقولته الشهيرة لي طوال الوقت"، متابعًا: "أبويا كان دايمًا يقولي اقعد اشتغل من قلبك لحد لما يبقى عندك 45 سنة، وإذا حصل لأي شيء إنك متقدرش تشتغل تكون مكون نفسك بشكل كويس وتقدر تعيش حياتك دون الحاجة لأحد لأن قوتك البدنية وصحتك هتقل بعد الـ45 سنة".
وتابع: "ولدت في عائلة فقيرة، ولدى 5 أخوات بنات وأخان من والدي، وكنا عائلة كبيرة، وأبويا كان مرتبه قليلًا، وحياتنا ماشية بصعوبة، وكان ترتيب بين أخواتي قبل الأخيرة، وأبويا كان بيجيبلي جزمة مرة واحدة كل سنة، واللى حصل وأنا صغير معمليش عقدة لما اتشهرت وبقيت نجم ومعايا فلوس".
واستطرد: "عقدتي الوحيدة دلوقتي في الجزم، أنا أكتر شخص في العالم بيحب يشتري جزم، وأفتكر أنى كنت بحاول أجمع مصروفي وأنا صغير علشان أوفر جزمة تانية غير اللى الجزمة اللي أبويا بيجيبهالي"، لافتًا إلى أن المال مهم ولكن يجب استخدامه بشكل صحيح وعدم الإسراف.
وأكمل: "المال بالنسبة لي مهم علشان تأمين مستقبل عيالي، ومش عايزهم يحتاجوا لحد".
