عمرو يوسف لدينا الشربيني: أنتى متسرعة.. والفنانة ترد: حياتى عشوائية | فيديو

كشف الفنان عمرو يوسف، انه يرى أن الفنانة دينا الشربيني من الشخصيات المتسرعة وفي بعض الأحيان تثق في الناس بسرعة دون دراستها لهم.

وتابع خلال برنامج "بصراح مع" المذاع علي قناة "ام بي سي 1" :"دينا الشربيني متسرعة في الحكم علي الناس واتخاذ قرارات معينة ومصيرية بدون تفكير، وبتحب الناس بزيادة وبتشوف كل الناس طيبين وجمال، ولما تشوف أي حد تقول عليه ده جميل أوي".



وعلقت الفنانة دينا الشربيني علي رأي عمرو يوسف فيها، قائلة:"معظم الناس اللى بقابلهم بيطلعوا طبيبين وكويسين، وحاولت أغير طبعى في رؤية أن الناس كلها طيبين بس معرفتش، ولكن أن طريقة تعاملي مع الناس وحتي في الشغل عشوائية شوية ومعندش خطة لحياتي".

وكشفت دينا الشربيني عن رأيها في عمرو يوسف، قائلة:"يبان أنه راكز وعنده تأني ولكن اللى جواه طيب جدًا، بس لما بيقفل من حد خلاص بيقطع ومبيرجعش له تاني".

وكشفت الفنانة دينا الشربيني عن رأيها في الزواج، حيث أفصحت عن السبب الرئيسي في فشل أي زيجة أو انتهاء أي ارتباط.

وقالت:"المشكلة للأسف اننا بناخد فكرة الجواز انها نهاية العلاقة مش بدايتها وده مش حقيقي والمفروض يكون فيه فترة تعارف قبل الزواج والإتين يكونوا فيها علي طبيعتهم لكن ده مبيحصلش، ووكل واحد بيحب يظهر نفسه قدام التاني انه أحسن حد وشخص ممتاز علشان الاتنين ينبسطوا مع بعض ويعيشوا اللحظة".

وتابعت خلال برنامج "بصراحة مع" الذي يقدمه الفنان عمرو يوسف بقناة "ام بي سي1 ":"المشاكل الحقيقية بين اي اتنين بتبدأ لما الزوجين أو الشريكين يعيشوا مع بعض وقتها كل واحد بتنكشف حقيقته للتاني".


وأكملت:"بعد الجواز أو الإرتباط كل واحد بيتخيل انه امتلك اللى قدامه فلما بتمتلك حاجة زي شنطة مثلا في الأول بتحاول تحافظ عليها وممكن تحطها علي رجلك  وخايف عليها من التلف ومع التعود ومرور الأيام بترميها علي الأرض، علشان كده فكرة التملك هي سبب فشل اي زواج أو ارتباط بين أي اتنين".

واستطردت:"فكرة الإستحواذ وحب التملك والإهمال بينهوا أي علاقة، مش معني أن اتجوزتك وبقيت معاك تبقي تهملني، شريك الحياة بيبقي محتاج التدليل والحب والود والدلع، لازم يكون فيه حب جديد كل يوم".