رامي صبري يطرح أحدث أغانيه "شطبنا" على يوتيوب | فيديو
الأغنية من كلمات محمد عاطف، وألحان أحمد زعيم، وتوزيع الموسيقى وسام عبد المنعم.
وتقول كلمات الأغنية :"في ناس بانوا ... على نياتهم ... منفعوش على قد ما ضروا بس أنا برضه ... برضه محدش ... يجي عليا ويكسب عمره في ناس بانوا ... على نياتهم ... منفعوش على قد ما ضروا بس انا برضه ... برضه محدش ... يجي عليا ويكسب عمره طيبة قلبي دي بتطمعهم ... بتشجعهم ... يتصرفوا كده هخلص منهم ... وابعد عنهم ... وهندمهم أوي على كل ده شطبنا قفلنا بابنا ع اللي اختار عذابنا والله ".
وفي سياق آخر، خرج الملحن عزيز الشافعي، للرد على اتهام الفنان رامي صبري له، بعدم الالتزام معه وإعطاء أغنيتين عرضهما عليه للفنان عمرو دياب وهما "شكرًا كده" و"زي ما أنتي".
وكتب عزيز الشافعي عبر حسابه الرسمي على موقع التواصل الاجتماعي «فيس بوك» منشور لسرد تفاصيل واقعة تبادل الاتهام بالخيانة: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليا بعد كده يقلل منه حتى لو تجاوز، ورغم إن كلامه كله مالوش أي أساس من الصحة، أحب دايما أشوفه ناجح وبيكمل اللي عملناه".
تابع: "وبشكره على استجابته لطلبي وقراري الشخصي اللي بعتو له الصبح من خلال صديقنا المشترك محمد حامد بإننا ما نشتغلش تاني ونكتفي بنجاحاتنا، وبعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية شكرا، أما بخصوص زي ما أنتي فممكن ترجعوا للصديق المشترك محمد حامد وتسألوه"
و كان الفنان رامي صبري أعرب عن استيائه بسبب موقف مع الشاعر والملحن عزيز الشافعي.
وكتب رامي صبري عبر صفحته الرسمية فيس بوك: "ولتاني مرة الملحن عزيز الشافعي، ياخد أغنية مني وإحنا شغالين فيها، ويديها لفنان تاني وهو الفنان عمرو دياب، بنفس الشكل التوزيعي والموزع، أغنية شكرا كده للي سابنا وأغنية زي ما أنتي، لذلك قررت عدم التعامل معه مرة أخرى".
وكانت آخر أعمال الفنان رامي صبري أغنية "مش مرتاحين" والذي نشرها عبر حساباته الرسمية على مواقع التواصل الاجتماعي وقناته الرسمية على موقع الفيديوهات يوتيوب.
الأغنية يقدمها رامي صبري كتتر لمسلسل "طلقتك نفسي" الذي عرض على شاشة قناة النهار.
وشهدت الأغنية تعاون رامي مع عزيز الشافعي بكتابة كلمات الأغنية وتلحينها وقام تميم بالتوزيع الموسيقي والميكس.
