عمرها وسبب شهرتها.. اعترافات شيماء سيف لأبلة فاهيتا | فيديو
وكشفت الفنانة شيماء سيف خلال اللقاء أنها من مواليد 7 أغسطس 1987، واسمها بالكامل "شيماء فتحي محمد رشاد"، أما اسم "سيف" فهو نسبة للمخرج سيف ممتاز الذي اكتشفها وله فضل كبير عليها، مضيفة: "هو اللي اكتشفني فحبيت اديله اسمي للأبد".
وتابعت: أنها تعشق المقالب، وتنفذها في أصحابها وزملائها في التصوير، وكذلك زوجها الذي يعاني كثيرا من هذا الأمر، لكن رغم ذلك لديه أمل أن تتراجع عن ذلك، قائلة: "عنده أمل إني اتغير وابطل اعمل كده".
وعن الدور الذي تريد تقديمه، أكدت شيماء سيف أنها تتمنى تقديم دور راقصة، وأضافت ضاحكة: "نفسي اعمل دور رقاصة لأني حاسة إن أدائي فيه هيكون كويس.. عندي إمكانيات مدفونة، لكن لما برقص ببقى حاسة إني برقص جامد بس مرة اتفرجت على نفسي اكتشفت إن الكوڤر الخارجي مداري كتير، فمش عارفه اللي جوا يوصل ازاي من برا".
قالت الفنانة شيماء سيف، أنا أصلا بعشق المقالب وبعمل مقالب في كل الناس، وآخر مقلب عملته في كارتر جوزى، وأنا كل يوم بعمل فيه مقلب لما يدخل الحمام اخضه أول ما يخرج.
وأضافت شيماء سيف، خلال فقرتها مع "كارو" في برنامج "الدوبلكس" تقديم أبلة فاهيتا، المذاع على قناة ON، آخر مرة عملت فيه مقلب إنى تعبانة ومش قادرة أعمل حاجة وراح هو عمل الغسيل وكل حاجة في البيت.
وأوضحت أن والدها كان بيشتغل مهندس ديكور فى التليفزيون، وكنت بروح أحضر حفلات ليالى أضواء المدينة، وأول حفلة حضرتها كانت للفنان حمادة هلال وأنا واقفة ورا خالص قلتله بحبك يا حمادة فعملى باى باى وكنت فى قمة الانبساط وقتها.
وأضافت شيماء سيف خلال لقائها فى برنامج "الدوبلكس" تقديم ابلة فاهيتا، المذاع على قناة ON، أكبر مصيبة عملتها فى بابا، أن فى وقت كان عامل عملية وكلهم فى المستشفى وانا قاعدة لوحدى فى البيت، وصاحب بابا جاب شوكلاتة، وانا قلت محدش شافها وكلتها كلها ورميت العلبة ومقلتش أن أصلا صاحب بابا جه وفضل بابا زعلان انه مسألش عليه، وحتى لما قابله فى مرة وحكاله انه جه يشتكى لماما وقالها شايفة كمان بيكدب، وللأسف بابا ميعرفش لغاية دلوقتى الموضوع ده.
وقامت فى نهاية الفقرة، بتقليد روبى فى أغنية "ليه بيدارى"، كما رقصت على الطريقة الخليجية والطريقة الأجنبية، بالإضافة إلى رقصها على مهرجان "جامد جدا"، واختتم فقرة الرقص برقصة "باليه".
