مدحت العدل: إسرائيل هي العدو.. وهذه رسالتي لمحمد رمضان

أكد السيناريست مدحت العدل: إن هناك عبئًا يقع على أهل الفن وعلى الإعلام بعد أن أصبحت قضية إسرائيل فى الخلف، مشيرًا إلى أنه يجب تعليم الأجيال الجديدة أن إسرائيل هى العدو.


وأضاف "العدل" خلال لقائه في برنامج "نظرة"، على قناة "صدى البلد" مع الإعلامى حمدى رزق: "حتى لو مش قادر تحاربها دلوقتى بعد 200 سنة تحاربها، ولو موعت القضية فأصبحت إسرائيل صديقة مش هيبقى فيه قضية بعد 300 سنة".




وتابع: "الجيل دا زي محمد رمضان لازم نذاكر له.. الراجل مش فاهم إيه إسرائيل يعني، لازم تشرح له ده وتفهمه، حاربها بالعلم والتقدم، بينا وبين تركيا عداء ولكن تظل تركيا دولة ذات حدود نختلف أو نتفق، لكن إسرائيل توسعية لو مش عارفة تاخدك دلوقتي هتاخدك بعد 100 سنة.. لازم تعلم مَن هو عدوك ولو اعتبرته صديقًا يبقى موتت القضية".


وعن محمد رمضان تحدث "العدل" قائلًا: "طول عمرى بدافع عنه وهو موهوب ولديه قبول يفرض عليه أن يتحسب لخطواته، لما يبقى واحد زى محمد رمضان، ومن له تأثير على الناس يجب أن يتحسب لخطواته".


واختتم: "أنت حد كويس راجع نفسك وإذا كنت أخطأت لازم تعتذر، وتمتلك شجاعة الاعتذار عما فعلته لأن اعتذارك يحل كل المشاكل، كلنا واقفين معاك وعاوزينك تمثل، وطول ما أنت ثابت على هذا الخطأ مش هنوقف معاك".