رانيا يوسف: بينى وبين ربنا عمار.. وعمرى ما اتجوزت عرفى

أكدت الفنانة رانيا يوسف أنها لم تتزوج ولو لمرة واحدة عرفيًا وترفض هذا الشكل من الزواج، لافتة إلي أنها تشعر بالسعادة حاليًا كونها ليست مرتبطة بأي رجل.

وأكملت خلال لقائها ببرنامج "مع الفارس" المذاع علي قناة "الرشيد":"أنا إنسانة بسيطة وأهم حاجة في حياتي بناتي ثم شغلي، والطفلة اللى جوايا لا تزال علي قيد الحياة، وعلي الريد كاربت بكون علي طبيعتي ولما أعوز أرقص برقص وعايزة اتشاقي بتشاقي، وبحب أرقص علي أغنية اما براوة الرقص بيسعدني وبحس إني لسه حية وعايزة أعيش، وأحب رقص سامية جمال، والرقص الشعبي والشرقي فن من الفنون".

وتابعت:"اختلف مع الإعلامي تامر أمين في وجهة نظره حول الرقص الشرقي وحاجات كتير، ولكن هو شخص لطيف ومفيش بينا أي خلاف ومبفتكرش أي حاجات وحشة".

وأكملت:"أنا بيني وبين ربنا عمار جدا ولما بطلب من ربنا حاجة بيسمعني، وعلاقتي ببناتي صداقة أكتر وكان نفسي أخلف ولد علشان يكون ليا صاحب".