عمرو وردة عن عدم زواجه: "مركِّز في الكورة.. ومواظب على الصلاة" | فيديو

قال اللاعب عمرو وردة: إنه في حال تلقي عرضًا في الدوري المصري لن يلعب إلا للنادي الأهلي، مضيفًا: "لو اتعرض على فلوس رمضان صبحي مش هروح بيراميدز".


وأضاف خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "الفلوس مش هتخليني مبسوط ولكن لما تكون صحتي كويسة وأهلي كويسين، وأنا بلعب كورة علشان بحبها".



وأكمل: "ليه آخد زيادة في الفلوس وأخسر بيتي اللى هو النادي الأهلي اللى اتربيت فيها واتعملت فيه قيم ومبادئ، وعلموني يعني إيه التزام".

ولفت إلى أنه تلقى عروضًا للعب في الدوري الإسباني والإيطالي.

وعن عدم زواجه حتى الآن، علق: "أنا 27 سنة لكن مش هتجوز دلوقتي لأني مركِّز في الكورة، والحمد لله مواظب على الصلاة في اليونان ومش هاخد صورة وأنا بصلي".

ولفت إلى أنه شاهد مباراة القرن، ويرى أن لاعبي الأهلي كانوا رجالا خلال المباراة، وظل يهلل بعد هدف محمد مجدي أفشة.