نسرين طافش تهنئ جمهورها بـ"الكريسماس"
وجهت الفنانة السورية نسرين طافش عبر حسابها الشخصي على موقع الصور الشهير "انستجرام"، رسالة إلى جمهورها ومتابعيها مهنئة إياهم بالكريسماس والسنة الجديدة.
وكتبت نسرين طافش قائلة: "على الأرض السلام وفي الناس المسرة اليوم وكل يوم اتذكر انك ترفع ذبذبات البهجة ولو بأبسط الطرق الممكنة.. غنية دافية.. كتاب ممتع رتب .. رتبي (خزانتك مطبخك مكتبك ).
وتابعت: اهتم بشكلك و بنظافتك الشخصية لأجل نفسك قبل الآخرين.. اقعد او تواصل مع ناس مريحين بتستمتع بالقعدة معهم.. اقطع علاقتك باي مصدر سلبي حتى لو شخص قريب حط حدود لعلاقتك فيه".
وتابعت: "لو وصلك اي فيديو او صورة لمنشور فيه طاقة خوف رعب حزن ازدراء او تحقير لآخرين لانهم مختلفين خليه يوقف عندك و لا تكون سبب بانتشاره.
وأضافت: لو كنت ناوي تتبنى حيوان اليف تعطيه بيت دافي واكل و حب شو عم تستنى ورح تحس بشعور حلو كتير، مردفة: شوف فلم او مسلسل ممتع (اكيد مش رعب مهما كان فيه ابداع فني عالي لانو بيكفينا الرعب الي عم بيحاولوا ينشروه بقلوب الناس ) ممكن فلم مبهج بيحكي عن الخير و الأمل او قصة نجاح، او فلم سخيف، ولذيذ بيضحكك من قلبك.. اطبخ أكلة بتحبها".
وأضافت: "مارس التامل بمكان هادئ وحط شمعة بيضا وموسيقى رايقة وأتنفس واقعد مع نفسك، او بس اقعد بصمت غمض عيونك وتنفس بعمق وفكر مين لازم تسامح اليوم بينك وبين نفسك بدون ما تروح تقللو للشخص كرمالك لتحس بالراحة واحصي نعم الله الي عندك ياها لو بسيطة بس كتير ناس محرومين منها.
واستكملت: تواصل و لو برسالة مع ناس الك زمان ما عبرتلهون انهم مهمين بحياتك، ساهم مع أهل الخير باي شي بتقدر عليه.. حط تذكير بالمنبه على موبايلك بكلمات تحفيزية او تذكرك تتنفس و تفكر قبل ما تعمل اي شي".
واختتمت: "طبطب على نفسك وتذكر انو وجود شخص سعيد في المجتمع هو فائدة للجميع مو بس للشخص نفسو لانو طاقة الاتزان و السعادة معدية".
