إدوارد: "خسرنا كل فلوسنا بعد وفاة والدي" | فيديو

كشف الفنان إدوارد، عن تعرضه لعدد من الأزمات في حياته الشخصية، كان أبرزها إصابة والده بجلطة حينما كان طالبًا في الفرقة الثانية بالجامعة.

وأضاف خلال لقائه ببرنامج "معكم" الذي تقدمه الإعلامية مني الشاذلي بقناة "سي بي سي":"بعد إصابة والدي بجلطة ظل لمدة عام في العناية المركزة الأمر الذي دفعه إلى تصفية شركة السياحة التي كان يمتلكها وبعدها توفي".



وأكمل: "بعد وفاة والدي وأنا طالب في الجامعة بدأت أعتمد على نفسي واشتغلت وجوزت إخواتي، كانت حالتنا المادية كويسة وفجأة ما بقاش فيه حاجة وصفينا الشركة والناس اللي كانوا شغالين عندنا في الشركة فتحوا شركة وروحت اشتغلت عندهم ونزلت ألعب جيتار وأغني في أوتيلات، وأمي نزلت تشتغل وكانت بتساعد الستات العواجيز وأختي نزلت تشتغل مدرسة علشان نساعد في توفير احتياجات البيت".

وتابع: "الفترة اللي دخلنا فيها بعد وفاة أبويا كانت اختبار من ربنا إما نتعلم المسئولية ويبقى راجل ويتحمل يإما أدخل في الضياع، لازم الواحد يعلم نفسه يعدي الظروف الصعبة بإيجابية، واتعلمت أبقى راجل وأنا طالب في الجامعة وكنت بقول الحمد لله إني معايا جنيه أو 2 جنيه قادر أخرج بيهم وأقعد مع أصحابي، أنا مصروفي كان 6 صاغ وأنا صغير في المدرسة، أنا عندي دلوقت 51 سنة".