مكنش معايا فلوس.. محيي إسماعيل يكشف عن موقف إنساني لـ"زويل" معه داخل مطعم بأمريكا | فيديو
كشف الفنان محيي إسماعيل، تفاصيل وكواليس مثيرة وكوميدية عن حياته الشخصية ويومه الروتيني ما بعد سن الـ60، قائلًا: "حياتي بسيطة جدًا.. أصحى من النوم وأنام تاني، وعندي شعار عايش بيه أجِّل عمل اليوم إلى الغد".
وأضاف خلال لقائه ببرنامج "صاحبة السعادة" الذي تقدمه الإعلامية إسعاد يونس بقناة "دي إم سي": "في بنسلفانيا كان لقائي مع العالم الراحل أحمد زويل، وحكى لي قصة حياته وكفاحه وفجأة قاللى أنا أعرفك من 45 سنة ويشرفني نروح مطعم ونأكل سويا، وقاللي إنت بسيط وعفوي جدًّا، وهو اللي دفع الحساب لأنه كان مشبرق وأنا كنت مضروب في السوق ومكنش معايا فلوس، وحكم عليا أنى بسيط جدًّا وفي نفس اللحظة كان يقرأ روايتي "المخبول".
وأكمل: "ساعات بصحى من النوم عندي برنامج مهم جدًّا فأقوم مأجله لأني على مدار 50 عاما لم أؤجل عمل اليوم إلى الغد، وما بعد سن الـ60 من حقي إنقاذ جهازي المناعي وأكون إنسانا هادئا ومخطط، وبقول إنت وراك إيه وأشد البطانية وأنام".
وتابع: "لما بصحى أول حاجة بعملها أكل فص ثوم على الريق وبعدين أمشي شوية على المشاية، وبعد كده أعمل مساج على كرسي المساج، وبعد كده أدخل على المطبخ وبعدين أنام.. قعدت 7 أيام نايم مبعملش حاجة، ولو الشغالة مش جاية بنضف الشقة في ربع ساعة وبعد كده أغسل هدومي وأنشرها على الحبال وبعدين أدخل المطبخ أشوف التلاجة فيها إيه".
واستطرد: "وأنا بعمل مسلسل كليوباترا جالي مليون ونص لأول مرة في حياتي كنت مش عارف أوديهم فين.. أحطهم تحت السرير أو فوق الدولاب أوفي المطبخ.. كنت فرحان أوي.. أهم حاجة عندي التلاجة معبية علشان لو مش معايا فلوس لازم يبقى عندي اكتفاء ذاتي في الأكل.. لو مفيش فلوس عليا أن أتمسك بالتلاجة هي دي الدفء بتاعي".
وأضاف خلال لقائه ببرنامج "صاحبة السعادة" الذي تقدمه الإعلامية إسعاد يونس بقناة "دي إم سي": "في بنسلفانيا كان لقائي مع العالم الراحل أحمد زويل، وحكى لي قصة حياته وكفاحه وفجأة قاللى أنا أعرفك من 45 سنة ويشرفني نروح مطعم ونأكل سويا، وقاللي إنت بسيط وعفوي جدًّا، وهو اللي دفع الحساب لأنه كان مشبرق وأنا كنت مضروب في السوق ومكنش معايا فلوس، وحكم عليا أنى بسيط جدًّا وفي نفس اللحظة كان يقرأ روايتي "المخبول".
وأكمل: "ساعات بصحى من النوم عندي برنامج مهم جدًّا فأقوم مأجله لأني على مدار 50 عاما لم أؤجل عمل اليوم إلى الغد، وما بعد سن الـ60 من حقي إنقاذ جهازي المناعي وأكون إنسانا هادئا ومخطط، وبقول إنت وراك إيه وأشد البطانية وأنام".
وتابع: "لما بصحى أول حاجة بعملها أكل فص ثوم على الريق وبعدين أمشي شوية على المشاية، وبعد كده أعمل مساج على كرسي المساج، وبعد كده أدخل على المطبخ وبعدين أنام.. قعدت 7 أيام نايم مبعملش حاجة، ولو الشغالة مش جاية بنضف الشقة في ربع ساعة وبعد كده أغسل هدومي وأنشرها على الحبال وبعدين أدخل المطبخ أشوف التلاجة فيها إيه".
واستطرد: "وأنا بعمل مسلسل كليوباترا جالي مليون ونص لأول مرة في حياتي كنت مش عارف أوديهم فين.. أحطهم تحت السرير أو فوق الدولاب أوفي المطبخ.. كنت فرحان أوي.. أهم حاجة عندي التلاجة معبية علشان لو مش معايا فلوس لازم يبقى عندي اكتفاء ذاتي في الأكل.. لو مفيش فلوس عليا أن أتمسك بالتلاجة هي دي الدفء بتاعي".
