حريق سيارة أحمد حسن وزينب يثير جدلًا على مواقع التواصل.. اليوتيوبر: السيارة موديل 2020 وثمنها مليون جنيه.. والنشطاء: فيديو مفبرك
أثار مقطع فيديو حريق سيارة اليوتيوبر أحمد حسن وزينب حالة من الجدل بين نشطاء مواقع التواصل الاجتماعي، فقد بدا على البعض أنهم لا يصدقون أمر حريق السيارة بالرغم من فيديو الحريق، فيما طالب آخرون بالدعاء لهما، في حين جاءت تعليقات البعض بأن الشركة المنتجة للسيارة ستقدم لهما سيارة أخرى.
وهنا قال ياسر فؤاد "ياجماعة ده بيعمل مشاهدات علشان شركة مرسيدس تديله واحدة غيرها مجانا علشان يخرج يقول إنها سمعتهم زي الفل ويبقي في الآخر كسب مشاهدات وكمان الشركة عوضته و يخرج كسبان.. من ادعي الفقر ولم يحمد الله أفقره الله"
وعلق إسلام علي "لا حول ولا قوة إلا بالله.. ربنا يعوض عليك بس الواحد بيستعجب انت ازاي جايب برود الاعصاب ده وطالع لايف.. ياخي ده لو نجيب ساويرس وعربيته اللي بتولع كان هيبقي متضايق اكتر منك ومش هيعمل كده"
أحمد حسن وزينب
وأضاف رنا مصطفى "لا حول ولا قوة الا بالله فداك انت و زينب و ايلن وربنا يعوض عليكم المهم انتوا كويسين و بخير و نجيتوا منها و حسبى والله ونعم الوكيل فى الى بيبص فى حياة الناس ربنا يعوضكم ان شاء الله بالخير"
وعلق حسام الخليجي "فيديو فبركه وواضح انك حتى مش متاثر من الحريق وقاعد تصور وباين عليك الهدوء وكل دا عشان المشاهدات تزيد ولو دقننا شويه هتلاقيها لادا وعادى لما تولع اتم والله بتستغبوا المشاهدين ولا ايه بالظبط"
أحمد حسن وزينب
ورد إسلام عادل "مرسيدس هتعوضوا عشان مينفعش سمعتها تنزل ف الارض ودا بالنسبالهم واحد مشهور ف كدا سمعتهم هتبوظ و من الناحيه التانيه هو كسب مشهادات والجو دا وهيتعوض ب عربيه بدالها وكدا هو مخسرش حاجه خطه ف منتهي الذكاء"
وقال كريم مجدي "احمد ربنا انك انت وبنتك ومراتك ربنا سترها ونزلتو منها بجد والله الحمد لله فداك الف عربيه وتحت رجل بنتك ولا تزعل نفسك ربنا يعوضك احسن منها الف مره والف عربيه وحسبي الله ونعم الوكيل"
أحمد حسن وزينب
وأضاف نور حسن عموري" الحمدلله على السلامة بس ليش حاسة انه بتعمل ترند زي الي حرق سيارتو المرسيدس عشان كانت كتير عم تخرب كثير او ضحك عليه صاحب المعرض واعطاه اياها خربانة! وحرقها واخر شي عوضوه بأحسن منها؟"
وعلقت جولي جولي "طيب خلي حدا غيرك يصور ومثل انك زعلان وبتعيط عشان الفيلم الهندي تبعك يظبط.. اتقو ربنا بقى بيكفي يا جماعة دا بعد اللي حصلكو لازم تقفلو كل مواقع التواصل وتعيشو لبنتكو ولربنا وبس.. ربنا يهديكو انشالله"
ورد محمود الشربيني "اولا الفيديو ده هيعمل مشاهدات والمشاهدات ليها ارباح ثانيا .قاعد يقول اسم عربيته يمكن مرسيدس تعمل معاه زي ما عملت مع يوتيوبر امريكي وتديه عربيه تانيه ودفع مبلغ تعويض. فكر كانك احمد حسن"
أحمد حسن وزينب
وعلق جوج بدر " هو انت ازاى وقف وبتعمل لايف اصلا وعمال مرسيدس مرسيدس عايز الشركه تبعتلك غيرها وفى حد جنبك بيقول تروح سليم لى بيتك هو انت مش بتقول مراتى وبنتى فيها كنت كلمت المطافى احسن بدل الهارى ده"
وقال هادي زكي " سبحان من ادالك التحمل انك تمسك الموبايل و تطلع لايف عشان تورينا العربية بتتحرق، و احنا المفروض نصدقك بكمية تكرارك لجملة "عربية CLA 200 ماركة مرسيدس" سيبك انت العربية الجديدة هتبقي احلي، ما هي اكيد ماركة منافسة"
وكان اليوتيوبر أحمد حسن بث، عبر صفحته الرسمية على فيس بوك، فيديو يظهر النيران وهي تلتهم سيارته. قائلًا إن السيارة موديل 2020 وثمنها مليون جنيه.
وأضاف أنه فوجئ بأدخنة تخرج من السيارة والنيران تشتعل بها حين كان يستقلها مع زوجته وابنته.
