دويتو مفاجأة لـ«عمر كمال» مع أحمد شيبة
وتأتي كلمات الأغنية كالتالي: "معلش ليا علشان بصون، ومتزعليش يا أنا، دول تمثيلية، كله بيخون ويا دنيا فيكي الجدع محطوط في معجنة، والنبي معلش تعالوا في الوش لو كارهني، أحسن ما في ضهري الكل بيهري ومش حبني، اللي قدرني ده هينورني وهيبقى دليلي، بس هتخسرني براحتك يعني أنا طافح كيلي"
.
وكان نشر "كمال" صورة تجمعه بالمطرب أحمد شيبة عبر حسابه على موقع التواصل الاجتماعي "فيس بوك"، وعلق قائلا: "أحمد شيبة وعمر كمال، كلها أيام وهتسمعوا أقوى دويتو إن شاء الله".
وكانت آخر أعمال عمر كمال أغنية "أنتي معلمة" بمشاركة مغني المهرجانات حمو بيكا التي حققت نجاحا كبيرا فور طرحها عبر قناته الرسمية بموقع الفيديوهات "يوتيوب".
على الجانب الأخر خرج، مطرب المهرجانات عمر كمال عن صمته للرد على هجوم حمو بيكا من خلال بث مباشر عبر صفحته الرسمية على موقع التواصل الاجتماعي "فيس بوك".
وقال "كمال" فى مقدمة الفيديو: "أنا تحملت كتير جدا إهانات بعض الناس، لكن أنا ممكن أطلع أقول لك يا (أبو كرش) لكن كل دي إهانات أنا ماليش فيها".
وتابع: "الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح مع بعض، اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمل له إعلان من غير ما ياخد إذني، وأنا اتحرجت أرفض قدام الراجل، بس أنا مش عايز أعمل مهرجان لفستان فرح، أنا عايز أعمل فن كويس زي بنت الجيران وعود البطل وكل مهرجاناتي، وحتى بعد الاتفاق ما دفعش ليا عربون ولا سألني تاخد كام".
مليون و٨٠٠ ألف جنيه
وواصل في هجومه على حمو بيكا: "عيب تقول عليا إني صحبة مزيفة، أنا عمري ما كسبت من وراك، أنا سبت لك ١٢ تراك كلت من وراهم الشهد، حتى العربية بتاعتك أنا اتصدرت أنا ومدير أعمالي عند المعرض عشان يقسطها لك، وضمنتك في مليون و٨٠٠ ألف جنيه، ولو كنت لوحدك ما كانش حد هيديك عربية".
بداية الأزمة
وتعود بداية الأزمة، إلى خروج حمو بيكا فى فيديو له منذ يومين، نشره عبر حسابه على موقع "انستجرام" وهو يهاجم أحد المطربين دون ذكر اسمه، لافتًا إلى أن هذا المطرب يدعى أن أغانيه كانت الأكثر بحثاً على جوجل خلال عام 2020، حيث وصفه بيكا بالأنانية الشديدة، وأن تصريحاته لا تتفق مع الواقع.
وأكد "بيكا"، خلال الفيديو أن أكثر 5 أغان بحثاً على جوجل طيلة العام كانت له هو بواقع أغنيتين والباقى لـ عمر كمال.
