عمرو أديب لـ"أفشة" بعد إضاعته لضربة الترجيح: أنا بدعيلك.. واللاعب: ربنا يخلي الشناوي ويشيلنا

داعب الإعلامي عمرو أديب، نجم النادي الأهلي محمد مجدي أفشة على الهواء قائلًا: "الله يبارك لك يا أفشة.. بدعيلك يا أفشة.. متتخيلش أد إيه زعلت لما ضيعت ضربة الترجيح في نهائي كأس مصر".

وعلق "أفشة" خلال مداخلة هاتفية ببرنامج "الحكاية" المذاع على قناة "إم بي سي مصر" ضاحكًا: "ربنا يخليك وعارف إنك بتحب الأهلي ولكن عايز أقولك مفيش حاجة صعبة علينا إحنا بنلعب في النادي الأهلي".

وأضاف "أفشة" أن محمد الشناوي بمثابة أخ لكل اللاعبين ويحترمه ويقدره للغاية، لافتًا إلى أنه حارس مرمى كبير، معقبًا: "يا رب دايمًا يشيلنا علطول".

ولفت إلى أن الشناوي حارس مرمى عملاق، ومن الصعب إحراز الأهداف فيه.