تعليق ناري من عمرو أديب على استبعاد مرتضى منصور من نادي الزمالك
علق الإعلامي عمرو أديب علي قرار وزارة الشباب والرياضة بتجميد مجلس ادارة نادي الزمالك، قائلًا: "خروج مرتضى منصور من نادي الزمالك ونقلب الصفحة، ونشيل صوره واليفط بتاعته".
وتابع خلال برنامج "الحكاية" المذاع علي قناة "إم بي سي مصر": "عمري ما بدخل معركة مع حد مش في كامل قوته، ويوم مدخلت مع مرتضي منصور معركة كان في كامل جبروته ومش هاجي وهو ضعيف واخلص عليه، أنا مش من الناس اللي بيشمتوا ولكن فيه ناس كتير اتبهدلت بسببه".
وأكمل: "اللى يهمني أنا فيه مؤسسة في مصر مش ملك مرتضي منصور وعياله ولكنها مؤسسة عامة وتربوية ورياضة واجتماعية،وفيها استثمارات بالمليارات، ولازم نحافظ علي المؤسسة ولا نسمح بانهيارها، ومن هنا أحيي وزير الشباب والرياضة لأنه تعامل بكثير من الصبر مع مسألة مخالفات مجلس الزمالك، ولكن كان هناك مصلحة نادي الزمالك، مرتضي منصور جاء قبله رؤساء وسيأتي بعده رؤوساء ومحدش هيخلد في الكرسي".
واستطرد:"اللى مع مرتضي منصور بقولهم هو مفيش غير واحد فقط اللى هيدير نادي الزمالك، يعني لا هو يإما الدنيا تقع، عايزين الموضوع يمشي بالقانون والعدل وأرى أن التريث في الأمر كان له علاقة بكأس افريقيا وجمهور الزمالك"، مؤكدًا أن هناك مخالفات مالية في نادي الزمالك والأمر في يد النيابة العامة وليس وزير الشباب والرياضة.
وتابع:"الوزير اشتغل صح، وبالنسبة لفريق الكرة اقول لو انت بتلعب علشان مرتضي منصور روح العب معاه يمكن يعمل فريق خاص به، ولو انت بتلعب علشان جمهور الزمالك اللى خلاك غني ونجم واخدم النادي واعطي عرقك في الملعب، مرتضي منصور مش احسن من رئيس برشلونة، رئيس برشلونة مشي..ويجب علي اللاعيبة ان يدركوا انهم بيلعبوا للزمالك مش مرتضي واَن الأوان ان الدنيا تبقي محترفة ومؤسسية ويسود فيها سيادة القانون والأدب والأخلاق".
وأردف: "الحساب خده صاحب الحساب، وكنت بقول يا رب، وأي طوبة بناها مرتضي منصور من اموال النادي، واي اعوجاج عمله مرتضي لازم يتم اصلاحه"..التاريخ كله محدش اختفي والدنيا باظت".
