ياسر جلال: "حد كبير منعني من التمثيل" | فيديو

أكد الفنان ياسر جلال أنه تعرض للاضطهاد في عالم الفن، كما مر بأحد أصعب الفترات في حياته الفنية، موضحا أن ذلك أثر على نفسيته كثيرا.


وكشف ياسر جلال خلال لقائه مع برنامج top trending، والمذاع على قناة ten قائلا: "في مرة أنا اضطُهدت، بسبب قصة معينة وده أثر عليّا في شغلي واتمنعت من ممارسة التمثيل اللي هو أكل عيشي وتخصصي، وأنا مكنش ليّا فيها ذنب، خاصةً أني كنت في عز نجاحي بعد مسلسل سعد اليتيم عام 1997".


وتابع: "المسلسلات اللي كانت بتجيلي ترجع تتاخد مني تاني، مكنتش عارف إيه السبب، لحد ما زميل ليّا قالي السبب، حد كبير أوي كان حاططني في دماغه وهو اللي كان منعني من الشغل، مش هقدر أقول اسمه طبعا، وده أثر على نفسيتي جدا".



وأشار ياسر جلال إلى أن ذلك انعكس على نفسيته قائلا: " اتهزيت نفسيا جدا، حسيت إن مستقبلي على المحك وضاع، حد قفلي باب الرزق بتاعي، وقعدت حوالي سنة على الحال ده.. كنت بركب عربيتي وأمشي ألاقي دموعي بتنزل لأني مكنتش عارف أعمل إيه، وده من المواقف العصيبة عليّا".