إنتصار السيسي تكشف أشياء جذبتها للرئيس وجعلتها توافق على الزواج منه | فيديو
وأوضحت خلال لقائها بالفنانة إسعاد يونس بقناة "دي إم سي":"كنا أقارب وكان الرئيس السيسي معروفا لدى العائلة أنه شديد وله رأي مميز وإنسان جاد وأنا بطبيعتي هادئة، وأتذكر أنه تواصل مع خالته للارتباط بي وقال لها شايف فيها كل المواصفات اللي عايزها".
وتابعت: "عندما قابلني طلب مني أمرًا واحدًا وقاللى ذاكري كويس علشان المذاكرة دي اللى هتقف جنبنا، فقلت له باستغراب: جنبنا مين؟.. وحسيت أنه مسئول".
وأضافت: "قاللي هزورك الصبح قبل التوجه للكلية فقلت لخالتي إزاي هيجيلي الصبح وكنت مترددة ولكن لقيت نفسي في انتظاره، وحسيت تجاهه بارتياح كونه إنسانا مهذبا ومختلفا.. ولكن هو فعلا مختلف".
وأكملت: "زوجة الضابط تتحمل مسئولية الأسرة بشكل كامل لأنه في معظم الوقت غير متواجد ولكن الرئيس لم يكن منفصل عن الأسرة ودائم التواصل وعلى اطلاع بكل ما يخص البيت والأبناء".
وأكدت: "طبيعة شخصتي لم تختلف منذ زواجنا ومكنتش بعرف أعمل أكل وهو اللى علمني بمنتهى طولة البال والحنية.. هو إنسان حنين على أسرتنا الكبيرة مع والدته وأخواته ودي أحسن صفة الناس بتوصفه بيها حنيته على أهله".
وتابعت: "والدته جمعتنا لما تزوجنا وانتقلنا إلى البيت الذي اشتراه والده في مدينة نصر وكانت أم لنا وقالتلنا يا ريت تكونوا عارفين إيه اللي ينجح البيت ده هو الحفاظ على الخصوصية مع أسرتها الصغيرة والبنات زي الصبيان وكانت تقول لو الأولاد طلعوا على إن طبيعة كل بيت زي التاني هيكون فيه توازن ويطلعوا يحبوا بعض ويعرفوا الصح من الغلط والحلال من الحرام".
