إنتصار السيسي: تتعالى ضحكاتي عندما أرى الرئيس سعيدا.. وأبكي حزنا على الشهداء

قالت السيدة إنتصار السيسي قرينة الرئيس عبد الفتاح السيسي، إن الرئيس كان مشغولًا بأوضاع مصر منذ ارتباطه بها خاصة حل مشكلة الإسكان التي كان يعانيها المصريون، معقبة: "الحمد لله أن أحلامه اتحققت لأن أنا سمعتها منه في بداية ارتباطنا.. وكان دايما عايز يشوف مصر والمصريين في أحلى صورة ونفسه السلبيات ما تكونش موجودة".

وتابعت خلال لقائها مع الفنانة إسعاد يونس في "لقاء خاص" علي قناة "دي إم سي": "الحمد لله بيننا توافق كبير وبحب الصبح أقف معاه وهو بيلبس ودي بتدينا سعادة لأننا عايشين حياة طبيعية ومفيهاش تكلف".

وتابعت: "طقوس رمضان لسه مستمرة لحد دلوقت، وزوجات الأبناء بيعرفوا يطبخوا وبيكملوا بعض، أما اَية ابنتي فالرئيس كان يرغب في أن تكون متحملة المسئولية في بيتها ويظل ينصحها إزاي تكون زوجة على قد مستوى الحدث وإزاي تتعامل مع زوجها وإزاي تكون متألقة في نفسها وهي في انتظار زوجها.

وأكملت: "لما ألاقي الرئيس مبسوط تتعالى ضحكاتي.. وأبكي لما بيحصل حاجة جامدة في البلد كسقوط شهداء لأني أعرف قد إيه أم تفقد ولادها وأبكي عند سماع قصص أسر شهداء الجيش والشرطة وبطولات أبنائهم في التضحية من أجل الوطن.. آباء وأمهات الشهداء أبطال علشان قدموا أبطال".