زوجة تامر عاشور : "بحترم زوجى عشان خاطر بنتنا.. والطلاق قريبا"

كشفت سارة أبو شقة آخر تطورات أزمتها مع زوجها الفنان تامر عاشور، بعدما أصرت على الطلاق منه بسبب خطوبته من دارين حلمى.

وكتبت سارة "أنا وتامر هنفضل نحترم بعض لأن في بينا عشرة وفي بينا بنتنا أيام اللي هتفضل رابط بينا طول العمر واللي اهم ليا أنها إن شاء الله تكبر متلاقيش أى حاجة تضايقها و تلاقي كل هدوء".


تابعت "الموضوع لا ترند ولا شو ولا أي حاجة غير حقيقة و حاجة بتحصل كل يوم بس بيحصل اللي حاصل لما يبقى حد مشهور، مؤكدة احنا اه منفصلين (مش مطلقين) (ولا اطلقنا) ومرينا بمشاكل زي اي ناس طبيعية ، اتفقنا او اختلفنا بتحصل يعني و بغض النظر عن مين غلط ف حق مين وازاى".

وأضافت "ولكن مهما حصل مفيش حد هيقبل أن يحصل تجريح للتاني ف اللي جاي..

واستكملت "انا رديت على اسئله الاستورى بعفوية و بطريقتي اللي عمرها ما هتتغير وعاااااادي جدا بس للاسف في مواقع حطت عناوين غلط علشان تشد و تزود التفاعل عندهاوخلاص، وعلي فكرة كلامي كان واضح و بسيط و موجود لحد دلوقتي مشلتوش علي بروفايلي هنا و مقولتش اي حاجة غير الحقيقة اللي حصلت ببساطة و كان ظاهر منها ٨٠ % او اكتر من غير اي شرح".

واستطردت: "ومنعا للمهاترات هي مش حرب مع ابو بنتي ولا عمرها هتكون.و المفروض اننا نتفق بكل هدوء على الطلاق انه يتم خلال الفترة الجايه، واللي اكيد بعد مايحصل مش هينقص من احترامي ليه او احترامه ليا وهنفضل اصدقاء تجمعنا " أيام" اللي هتفضل اهم من اي حد و اي حدث، بس نبقي بنتجنب الضغوطات و المشاكل اللي ايا كان سببها موجود او انتهي بلا رجعة و اتمني الموضوع يتقفل و مشوفش اي حاجة تضايقني واللي بيحبوني دعوة حلوة و شكرا لكل الحب و الدعم اللي بشوفه".

وكانت سارة أبو شقة شاركت جمهورها عبر حسابها الرسمى بموقع الصور "انستجرام" مشاكلها مع زوجها الفنان تامر عاشور وأنها طلبت الطلاق منه.