أول رد من تامر حسني على بسمة بوسيل: مش هازعل منك ومتهورة بس باحبك

علق النجم تامر حسني عبر حسابه الشخصي عبر موقع الصور الشهير "إنستجرام"، على زوجته بسمة بوسيل، بعد إعلانها قبل أيام انفصالها عنه.


وكتب تامر حسني عبر خاصية الاستوري رسالة لزوجته، قائلا: "بسمة حبيبتي للأسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتيني وحبيتيني بيها".

وتابع: "ازاي وصلوكي للزعل والبعد فترة.. المهم أنا مش هازعل منك ولا يرضيني زعلك أنتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعلنا نكون سبب خير في توعية ناس كتير.. ليه لما أي حد بيزعل من حد بيطلع يكتب على السوشيال ميديا.. طب حتى يكلمه الأول إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدة".

وأضاف: "للأسف انتي عارفة أن في ناس طبيعتهم حب خراب البيوت، ومش هنخلص منهم بس انتي اللي هتخلصي من فكرة انك تسمعيهم مع أنك مكنتيش كدة".

وأوضح: "ياريت تركزي مع طاقة الناس اللي دعولنا ودعوا لولادنا بكل خير.. وفعلا أنا بشكر كل الناس والفنانين اللي سعوا في الخير لينا، وأنا واثق أنك دلوقتي زعلانة انك كتبتي كده، هو تصرف متهور منك بس ولا يهمك مش عيب ان الانسان يغلط ويتعلم وأنا ياما علمتك ولسة هعلمك، كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبيتنا أغلى ما فيها ربنا يخلينا ليهم ويخليهم لينا يارب.. متهورة بس بحبك".

وكانت بسمة بوسيل أعلنت انفصالها عن تامر حسني عبر حسابها على "إنستجرام".

ونشرت بسمة بوسيل استوري عبر صفحتها قالت فيها: "لكل الناس اللى بتبعتلي صور وفيديوهات لتامر وشايفة إنه مش بيعمللي احترام سواء في صور أو فيديوهات يا ريت تبطلوا تبعتولي أي حاجة عشان مش فارقلي أي صور".


وأضافت: "كمان أحب أعرفكم إن إحنا بقالنا فترة منفصلين وبنحضر أوراق الطلاق لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة".