أحمد فلوكس عن زوجته بعد هنا شيحة: شعر دقني ابيض وصحتي راحت بسبب السحر | فيديو
وأضاف خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "كنت معمي البصيرة والقوة وواهن وشايف أشياء قذرة حواليا ومش قادر اعمل حاجة وتصرفات كلها مكنتش كويسة وحتى ابني مكنتش عايز أشوفه وده كان من رابع المستحيلات".
وأشار إلى أن حياته تغيرت رأسا على عقب بعد انفصاله عن الفنانة هنا شيحة واقتراب إحدى السيدات منه بشكل غريب، مضيفًا: "الشخص اللى قرب منى ده قاللى مش هتعرف تمسك عليا حاجة من كتر ما هو شايف إنى مش موجود، واتفاجأت لما روحت أعمل عمرة إنى عصبى جدا وده عكس الطبيعى فلما كنت بروح أعمل عمرة فى السابق كنت ببقى مستمتع ومبسوط".
وأكمل: "اكتشفت أن بقالى 3 شهور مش شايف قدامى وكل اللى حواليا بيخونونى قدام عينى بلا استثناء ومش موجود ومش مدرك أي حاجة، وكلمة واحد مغيب وشارب حاجة قليلة، كنت مش قادر أقف على حيلى، حتى واقعة فرد الأمن".
وأكد: "اكتشفت إنى معمول ليا سحر، واللى عملت ليا السحر واحدة ست كنت على علاقة بيها وعملته علشان مشوفش اللى هى بتعمله وعرفت أن هى وأهلها كده بتوع سحر، وجوازاتها بالسحر ولها زميلة مذيعة كانت صديقتها وأخذت زوج أختها من زوجته ودمرت له حياته، وحذرتنى منها ولكنى مكنش بصدقها.
تخلصت من السحر لما قربت من ربنا وواجهتها بالسحر بس مقدرش أحبس أو أسجن حد عاملى سحر، ولكن السحر اللى حصلى أثر فى إنتاجى وفكرى والطاقة الإيجابية اللى جوايا وتصرفاتى وصحتى وحسيت انى عجوز وشعرى ذقنى كان كله أبيض ولما السحر اتفك ابتدى يسود تانى.. السحر اللى اتعمل فيا من الست اللى اتجوزتها بعد هنا شيحة".
