بوسي ترد على اتهامات والدها: شوفت منه مرار.. وتخلى عني وأنا طفلة | فيديو
وقالت الفنانة بوسي خلال برومو حلقتها مع الإعلامية مني الشاذلي ببرنامج "معكم" المذاع علي قناة "سي بي سي":"أنا لو بني اَدمة عاق مكنتش هيبقي عندي 15 سنة وأنا اللى أطلب من أمي أنزل اشتغل علشان أشيل من عليها الحمل في وقت اللى كان الأطفال اللى قدى بياخدوا من أبوهم المصروف".
وتابعت:"أنا كنت ولد وبنت واتولدت أبويا مش موجود معايا في حياتي..كنت بشوفه في الشارع بالصدفة ومكنتش بعرف أقوله يا بابا ..أمي وأبويا مكنوش في حياتي أصلا".
وحبست بوسي دموعها قائلة:"بعد وفاة أمي كان أبويا بيجي يطلب منى فلوس ..كان نفسي ابويا يبقي جنبي زي بقية الناس..أنا شفت من أبويا مرار..بدل لما أنت تديني مصروفي وانا عندي 15 سنة جاي تتكلم عليا..الناس عماله تشتم فيا وتغلط فيا من غير ما يعرفوا".. أنا لسه صغيرة على اللى بيحصل فيا ده".
وتحل الفنانة بوسي، ضيفة على الإعلامية منى الشاذلي، في أول ظهور لها بعد أزمة والدها الأخيرة، في برنامج "معكم" المذاع على فضائية cbc، الخميس المقبل 12 نوفمبر، في تمام التاسعة مساء.
