حمو بيكا لـ"هاني مهنا": "أنا ما أعرفكش وبنتك اللي عزمتني على الفرح"

دافع مؤدي المهرجانات حمو بيكا عن نفسه بعد حملات الهجوم عليه الفترة الأخيرة لا سيما بعد إحيائه حفل زفاف الفنانة الشابة هنادي مهنا والفنان أحمد خالد صالح.

وقال "بيكا" خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "أنا تعبت والله.. أنا إنسان متواضع وأبسط خلق الله وشقيت وتعبت في حياتي كتير"، مضيفًا: "هنادي مهنا هي اللي دعتني لفرحها وأنا ما اتأخرتش ورحت ووالدها ما أعرفهوش.. إزاي أروح أحضر فرح وأنا مش معزوم فيه".

وتابع: "أنا علشان مليش ضهر الناس بتهاجمني ومش كل حاجة بالفلوس أو بالتعليم، والتعليم ما يعلمش الناس أنها تسخر مني.. عايزهم يسيبوني في حالي وكل يوم يتعمل لي محاضر.. خايف أتحبس وما أشوفش ابني.. مراتي حامل وخايف على أسرتي".

وأكد: "أنا والله ما بقتش أقول كلام خارج، ونفسي الناس تقف معايا وتساعدني".