فاروق الباز: "أمي اتمنعت من التعليم علشان أخوها يبقى عمدة" | فيديو

قال العالم الدكتور فاروق الباز، إن والده كان يتحدث اللغة العربية الفصحى وكان يقول للأسرة: من يعلم عليه أن يعلم الناس وإلا فلا نفع في علمه، وهذا كان أفضل شيء تعلمه من والده.

وأضاف خلال لقائه ببرنامج "الجمعة في مصر" المذاع على قناة "إم بي سي مصر": "والدي كان رجلا مهذبا جدًا ويحترم كل الناس ووالدتي كانت خبرتها في التعامل مع الناس بديعة للغاية".


وتابع: "أمي الست الناصحة النبيهة الشاطرة والعظيمة اللي الناس بتحبها وتقدرها ما كانتش تعرف تقرأ ولا تكتب وأنا في آخر سنة في الثانوي لقيت أبويا وأمي قاعدين مع بعض في الجنينة في العصر ولمحت أبويا بيعلمها "أ-ب" وما كنتش أتصور أنها ما تعلمتش وسألتها: أنت إزاي ما اتعلمتيش؟، فردت: "علشان أنا وأخويا روحنا المدرسة مع بعض واحنا صغيرين والأستاذ كان يسألني أنا أرد وهو يفشل فكان المدرس يقول له: أنت غبي وحمار.. ازاي أختك ترد وأنت ما تردش؟".

وأكمل: "أخو والدتي عيط وراح لجدي وقاله القصة وقتها منعها من الذهاب للمدرسة علشان تأمين منصب العمدة لأخوها وحفاظا على مشاعر أخوها"،

معقبًا:"منعت من التعليم علشان أخوها يبقى عمدة".