أول رد من تامر حسني على أحمد السقا: "كنت أتمنى ما أكتبش الكلام ده"
![تامر حسني](images/no.jpg)
رد النجم تامر حسني على الفنان أحمد السقا بعد إعلان الأخير حزنه من نجم الجيل بسبب فيلم "الفلوس".
وكتب تامر عبر صفحته الشخصية على موقع الصور الشهير إنستجرام "حبيبي وأخويا وصديق العمر نجم الدنيا كلها أحمد السقا كنت اتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط لأن الحاجات دي لا يمكن تفوتك وأنا كنت أتمنى ما أكتبش الكلام ده هنا، بس بعد كلامك في التلفزيون الجمهور الكريم بقى ليه الحق يفهم الصح، علشان أفكرك بس، انت كلمتني وقلت لي في خبر في موقع وعليه صورة افتراضية للفيلم وكاتبين إنك بطل في الفيلم وأنا رديت عليك إن دي اجتهادات صحفية والصورة من تصميم المحبين اللي أكيد فرحو بالخبر أننا مع بعض، حتى أنا ماقلتش إن دي الشركة المنتجة لأنها شركة كبيرة ولا يمكن تعمل كدا لأن الفيلم متباع للخارج والداخل باسم أخوك تامر حسني وأصلا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش زعلك من إيه الحقيقة !".
![](/content/upload/editor/Image1_10202010214839169489305.jpg)
![](/content/upload/editor/Image2_10202010214839169489305.jpg)
وأضاف "كان ممكن تزعل لو الكلام ده نزل على صفحتي أو صفحة الشركة المنتجة، وانا شرحتلك ده من سنة واتكلمنها بعدها مرتين مرة عيدت عليك في عيد ميلادك والتانية بخصوص برنامجك فلو كنت لسه زعلان كنت قولي ساعتها ، الفيلم بقاله سنة يا أحمد أخيرا بقى مستحيل الشركة تروج أو انا افوت واسمح بإستخدام اسمك كبطل في الفيلم وانت مش فيه لأن ده هيعود علينا كلنا بالضرر لأن الناس هتدخل الفيلم ومش هيلاقو الكلام ده فايبقى احنا كدا بنضحك عالناس وضرينا الفيلم ولو اني اكيد يشرفني ان احنا نمثل مع بعض بطولة مشتركة لأنك حبيبي بجد ونجم انا بحبه من قلبي فعلا ،، وبعدين ياحج أحمد لما انا جيتلك مسلسلك وحصل اجتهادات كتير من محبينك الكرام شوية يقولو المسلسل بطولتنا وشوية يقولو لأ ده ضيف شرف ،، وانت عارف ان عمري ما عملتها وطلعت ضيف شرف غير ليك".
وتابع "انت طلبتني آجي اصور الساعة ٨ الصبح كنت عندك في نص ساعة ، عشان فكرة طلعت في دماغك فجأة .. وجيت لأنك غالي عندي اوي اوي فوق ماتتصور ،، وكنت بفرح بإجتهادات محبينك ومحبيني حتى لو صورتي صغيرة وكاتبين بطولة او ضيف شرف، كل ده مش فارق معايا لأني جيت اخدم صديق عمري وأتمنى أي كلام يصب في مصلحة مسلسل اخويا وينجح ويكسر الدنيا".
واختتم "انت حبيبي يا احمد وصديق العمر علشان كدا انا اللي مش هزعل منك ، معلش طولت في الكلام لأن زعلك يعز عليا".
وكان الفنان أحمد السقا أعلن حزنه من الفنان تامر حسني خلال لقائه مع الإعلامية وفاء الكيلاني قائلا "زعلان من تامر حسني صوري نزلت في بوسترات الفيلم وأنا ضيف شرف وكلمته قالي الجمهور اللي عامل الصورة وده ضرني نفسيا وعلى مستوى الشغل".
وكتب تامر عبر صفحته الشخصية على موقع الصور الشهير إنستجرام "حبيبي وأخويا وصديق العمر نجم الدنيا كلها أحمد السقا كنت اتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط لأن الحاجات دي لا يمكن تفوتك وأنا كنت أتمنى ما أكتبش الكلام ده هنا، بس بعد كلامك في التلفزيون الجمهور الكريم بقى ليه الحق يفهم الصح، علشان أفكرك بس، انت كلمتني وقلت لي في خبر في موقع وعليه صورة افتراضية للفيلم وكاتبين إنك بطل في الفيلم وأنا رديت عليك إن دي اجتهادات صحفية والصورة من تصميم المحبين اللي أكيد فرحو بالخبر أننا مع بعض، حتى أنا ماقلتش إن دي الشركة المنتجة لأنها شركة كبيرة ولا يمكن تعمل كدا لأن الفيلم متباع للخارج والداخل باسم أخوك تامر حسني وأصلا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش زعلك من إيه الحقيقة !".
![](/content/upload/editor/Image1_10202010214839169489305.jpg)
![](/content/upload/editor/Image2_10202010214839169489305.jpg)
وأضاف "كان ممكن تزعل لو الكلام ده نزل على صفحتي أو صفحة الشركة المنتجة، وانا شرحتلك ده من سنة واتكلمنها بعدها مرتين مرة عيدت عليك في عيد ميلادك والتانية بخصوص برنامجك فلو كنت لسه زعلان كنت قولي ساعتها ، الفيلم بقاله سنة يا أحمد أخيرا بقى مستحيل الشركة تروج أو انا افوت واسمح بإستخدام اسمك كبطل في الفيلم وانت مش فيه لأن ده هيعود علينا كلنا بالضرر لأن الناس هتدخل الفيلم ومش هيلاقو الكلام ده فايبقى احنا كدا بنضحك عالناس وضرينا الفيلم ولو اني اكيد يشرفني ان احنا نمثل مع بعض بطولة مشتركة لأنك حبيبي بجد ونجم انا بحبه من قلبي فعلا ،، وبعدين ياحج أحمد لما انا جيتلك مسلسلك وحصل اجتهادات كتير من محبينك الكرام شوية يقولو المسلسل بطولتنا وشوية يقولو لأ ده ضيف شرف ،، وانت عارف ان عمري ما عملتها وطلعت ضيف شرف غير ليك".
وتابع "انت طلبتني آجي اصور الساعة ٨ الصبح كنت عندك في نص ساعة ، عشان فكرة طلعت في دماغك فجأة .. وجيت لأنك غالي عندي اوي اوي فوق ماتتصور ،، وكنت بفرح بإجتهادات محبينك ومحبيني حتى لو صورتي صغيرة وكاتبين بطولة او ضيف شرف، كل ده مش فارق معايا لأني جيت اخدم صديق عمري وأتمنى أي كلام يصب في مصلحة مسلسل اخويا وينجح ويكسر الدنيا".
واختتم "انت حبيبي يا احمد وصديق العمر علشان كدا انا اللي مش هزعل منك ، معلش طولت في الكلام لأن زعلك يعز عليا".
وكان الفنان أحمد السقا أعلن حزنه من الفنان تامر حسني خلال لقائه مع الإعلامية وفاء الكيلاني قائلا "زعلان من تامر حسني صوري نزلت في بوسترات الفيلم وأنا ضيف شرف وكلمته قالي الجمهور اللي عامل الصورة وده ضرني نفسيا وعلى مستوى الشغل".