شيرين عبد الوهاب في عيد ميلادها الـ 40: أول مرة ييجي يوم ميلادي ألاقي نفسي سعيدة

احتفلت النجمة شيرين عبد الوهاب اليوم بعيد ميلادها الـ 40، ونشرت سلسلة تغريدات عبر حسابها على موقع التدوينات القصيرة تويتر بهذه المناسبة.



كتبت شيرين قائلة: "كل سنة وأنتم عيدي، دعاء أمي ليا كان محبتكم، ورضا ربنا عليا محبة الناس ، ديمها عليا يا رب! السنة دي أول مرة بيجي عليا يوم ميلادي وألاقي نفسي بضحك وسعيدة".

أضافت: "سعيدة وباضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير.

تابعت: على المستوى الشخصي أنا سعيدة جداً بأحسن زوج في الدنيا لأنه جوزي و أخويا وصديقي وإبني و سعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني احس ان كل البلاد بلدى". 

اختتمت شيرين: "سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي انا فيه دلوقتي".