أول تعليق من عمر كمال لـ "فيتو" بعد نقله للمستشفى وتعرضه لوعكة صحية مفاجأة |فيديو
وتواصلت "فيتو"، مع عمر للإطمئنان على حالته الصحية، وكشف أخر التطورات، وقال :"أنا الحمدلله دلوقتي كويس وبعمل شوية تحاليل، وفحوصات، وإن شاء الله خير".
من ناحية أخري، تعرض "عمر" لهجوم شديد من الجمهور، لشراءه سيارة حديثه ماركة "BMW 6 X"، إلا أنه أراد الرد عليهم والتوضيح.
وقال عمر كمال فى فيديو ظهر من خلاله عبر حسابه الرسمي على موقع التواصل الاجتماعي "فيس بوك": "أخواتي وحبايبي عاوز أقول كلمتين يا رب مطولش عليكم فيهم، سؤال بقى مطروح أوي على السوشيال ميديا، حبيت أجاوب عليه من وجهه نظري للناس اللى عندي عشان أريحهم، لما أروح حفلة أو أشتري عربية أو أمضي على شركة إنتاج، الناس تاخد الموضوع شير وتقول وتكتب عارفين هتحط الشهادة فين، عارفين بيقبضوا على المدرسين".
وأضاف :"الناس كلها عارفة إني اشتغلت فى بنزينة واتمرمطت، وأنا كعمر تجربة شاب، اشتغلت باليومية فى مصنع سكر، واعتماد للورق، وشركة للكيماويات، وشركة ألمانية للكهرباء، ومرضتش اتعين عشان أنا مش عاوز الحياة التقليدية، وبعد أما أبويا مات خدت فلوس ميراثي وصرفته على الغناء وخسرت، وصرفت تاني ألبوم فى 2012 وخسرت كل حاجة وبدأت تاني من الصفر".
وقدم "كمال"، نصائح للشباب :"أنا تعبت واتبهدلت، وكل ده مش بالساهل، وأنا مسرقتش حد، وقبضت على مدرس لأنه مش شغلي ربنا قال (وَلَا تَزِرُ وَازِرَةٌ وِزْرَ أُخْرَىٰ) ياريت الناس ماتخدش ذنب حاجة بحاجة، أنا فاتح خط مع ربنا، وبقول يارب وبمشي".
واختتم حديثه قائلا :"كنت بقدم فن كويس ومحدش قدرني، ولو غنيت مهرجان مش عاجب، لازم تشغل مخك فى الحياة، فى فرق بين التعليم الأكاديمي، والشغل والسوق، لأن الحياة ليها قواعد تاني، والله ما حد يعرف ربنا خد مني إيه واداني إيه".
يذكر أن عمر كمال، وحسن شاكوش طرحا مؤخرا دويتو غنائيا بعنوان “هنعمل لغبطيطا”، عبر موقع يوتيوب، وحقق نجاحًا كبيرًا فى مصر والوطن العربى ليكون الفيديو الاكثر مشاهدة على اليوتيوب.
