تفاصيل تعرض عمر كمال لوعكة صحية مفاجأة ونقله للمستشفى| صور
تعرض الفنان الشاب، عمر كمال لوعكة صحية شديدة، فجر اليوم الأربعاء، وذلك عقب انتهائه من جلسة عمل.
وكشف أحد المقربين من عمر كمال، صعوبة التواصل والحديث معه، موضحا أنه تعرض لهبوط مفاجأ فى الدورة الدموية، ونقل على الفور لأحد المتسشفيات فى المهندسين، من أجل إجراء بعض الفحوصات والتحاليل، للوقوف على أسباب الحادث.
فى هذا السياق، طلب "كمال"، من أحد أصدقائه كتابه منشور عبر حساباته الخاصة، من أجل إعلانه صعوبة الحديث فى الوقت الحالي، وقال فيه :"عمر مريض وتعبان جداً فا ياريت محدش يزعل منه".
وتابع: "اللي بيبعت رسايل هو التليفون مش معاه واللي بيتصل التليفون مش معاه فا هو لما يقوم بالسلامة هو هيقول للناس شكرا ً".
وكان عمر خرج عن صمته للرد على الهجوم الذى تعرض له فى الساعات الأخيرة، بعدما أعلن شراءه سيارة "BMW X6"، التى يتخطى سعرها 2.25 مليون جنيه، وهو ما أثار حالة من الجدل على منصات السوشيال ميديا.
وقال عمر كمال فى فيديو ظهر من خلاله عبر حسابه الرسمي على موقع التواصل الاجتماعي "فيس بوك": "أخواتي وحبايبي عاوز أقول كلمتين يا رب مطولش عليكم فيهم: سؤال بقى مطروح أوي على السوشيال ميديا، حبيت أجاوب عليه من وجهه نظري للناس اللى عندي عشان أريحهم، لما أروح حفلة أو أشتري عربية أو أمضي على شركة إنتاج، الناس تاخد الموضوع شير وتقول وتكتب عارفين هتحط الشهادة فين، عارفين بيقبضوا على المدرسين".
وتابع :"الشهادة دي أنا معايا واحدة زيها بالظبط فى البيت بقالها 14 سنة، وأهلي محترمين زيك بالظبط، وصرفوا عليا، انا عاوز أفهمك حاجة مهمة جداً تحطها فى دماغك، التعليم اللى احنا بناخده فى المدارس ده حاجة، والشارع والسوق حاجة تاني.
وأضاف: لو انت نزلت واتمرمطت زينا يعني هتعرف كدة، فلازم تختار طريق من الاثنين، يا إما تكون إنسان تقليدي وتمشي مع الناس عادي، يا اما تكون إنسان إيجابي وتختار طريقك".
وأضاف :"الناس كلها عارفة إني اشتغلت فى بنزينة واتمرمطت، وأنا كعمر تجربة شاب، اشتغلت باليومية فى مصنع سكر، واعتماد للورق، وشركة للكيماويات، وشركة ألمانية للكهرباء، ومرضتش اتعين عشان أنا مش عاوز الحياة التقليدية، وبعد أما أبويا مات خدت فلوس ميراثي وصرفته على الغناء وخسرت، وصرفت تاني ألبوم فى 2012 وخسرت كل حاجة وبدأت تاني من الصفر".
وقدم "كمال"، نصائح للشباب :"أنا تعبت واتبهدلت، وكل ده مش بالساهل، وأنا مسرقتش حد، وقبضت على مدرس لأنه مش شغلي ربنا قال (وَلَا تَزِرُ وَازِرَةٌ وِزْرَ أُخْرَىٰ) ياريت الناس ماتخدش ذنب حاجة بحاجة، أنا فاتح خط مع ربنا، وبقول يارب وبمشي".
واختتم حديثه قائلا :"كنت بقدم فن كويس ومحدش قدرني، ولو غنيت مهرجان مش عاجب، لازم تشغل مخك فى الحياة، فى فرق بين التعليم الأكاديمي، والشغل والسوق، لأن الحياة ليها قواعد تانية، والله ما حد يعرف ربنا خد مني إيه واداني إيه".
يذكر أن عمر كمال، وحسن شاكوش طرحا مؤخرا دويتو غنائيا بعنوان “هنعمل لغبطيطا”، عبر موقع يوتيوب، وحقق نجاحًا كبيرًا فى مصر والوطن العربى ليكون الفيديو الاكثر مشاهدة على اليوتيوب.
