"الضمير" بس لو "حي"
لو حسيت إن شوارع بلدك حزينة والنيل والخضرة ملهومش قيمة والمال والبنون ما أصبحوش زينة اعرف إن بلدك مفيهاش حرية، وبالاسم بس بلد ديمقراطية..
لو عرفت إن أصحابك غضبانين وأهلك وعشيرتك حيرانين، لو قابلت خيبة أمل في عيون الولاد الصغيرين اعرف إن بلدك مفيهاش حرية وبالاسم بس بلد ديمقراطية.
لو وقفت إنت وجيلك أمام الظلم وصرختوا بأعلى صوتكوا وطالبتوا بالمساواة والعدل وعملتوا ثورة عظيمة وأجبرتوا الظلم على العزل، وحافظت على ثورتك وبدلت الهزيمة بنصر، وحسيت بالأمل في بكرة اللي جاي، اعرف إنك مصري وأكيد ضميرك حي.
