السيسي يقدم رسائل قوية للمصريين والدول الممولة للإرهاب وأهل الشر
افتتح الرئيس عبد الفتاح السيسي اليوم الجامعة المصرية اليابانية للعلوم والتكنولوجيا بمدينة برج العرب بالإسكندرية وكذلك عدد من الجامعات الأخرى الأهلية ومشروعات لوزارتي التعليم العالي والتربية والتعليم.
أطلق الرئيس عبد الفتاح السيسي اسم "شينزوا أبى" على المرحلة الثالثة الجديدة من المجمع العلمى بالجامعة المصرية اليابانية.
وقال الرئيس خلال افتتاح عدد من المشروعات التعليمية فى برج العرب بالإسكندرية:"أطلق على المرحلة الثالثة الجديدة اللى هيتم إنشائها مجمع شينزو آبى في هذه الجامعة".
وجه الرئيس عبد الفتاح السيسى رسالة للشعب المصرى: "اوعى خد يضحك عليكم.. بكلام كذب وجهل.. وأقسم بالله يرقى للخيانة والتآمر.. وأنا بقسم بالله.. ده تآمر.. بتهدوا الدول ليه.. مش عاوز تساعد احنا متشكرين.. بس كمان ابعدوا عننا بشرّكم.. دى فيها 100 مليون.. عاوزينها تتقاتل وتتخرب.. احنا بنصلح اللى بقاله سنين متساب.. ومصرّين".
وأضاف الرئيس السيسى الحكومة بتتحرق معايا وكل ما يعملوا أقول لسه.. مش كده والله العظيم الحكومة بتتحرق معايا.. عشان مصر مش تتحرق.. عشان اللى ضمايرهم ضاعت.. ومش همهم 100 مليون.. والإساءة وتشكيك الناس البسطاء.. هتروحوا من ربنا فين لما تضيعوا 100 مليون".
وقال الرئيس عبد الفتاح السيسى، إنه خلال حديثه لم يقصد الإساءة لأحد.. ومن 100 سنة وأكثر كانت الدولة المصرية ظروفها الاقتصادية أفضل، ولم تنس أنها تساعد وتتعاون من أجل الخير والبناء.
وتابع: "نرى البعض منهم لما الصورة تغيرت بدل ما يمد يد البناء والتعاون، يتم البحث عن هدم مصر.. هد بلد فيها 100 مليون.. بقول للمصريين هو ده رد الجميل.. ومصر كلها أيادى طيبة ونواياها طبية.. يبقى رد الجميل أنهم عاوزين يهدونا".
وأكد الرئيس عبدالفتاح السيسى، أن رهانه على المصريين ودعمهم، مضيفا:
"قابلتوا التحدى فى 2013 لضياع الدولة المصرية.. سؤال هل أنا ضيعتكم ولا قدمت نفسى بالجيش فدا مصر.. كان عندكم مشاكل فى الطاقة والوقود، خلصت؟ ولا لسه موجودة ولا الكهرباء لسه بتتقطع، كان عندكم مشاكل مع الإرهابيين قتلونا وقتلوا أولادنا، سيبناهم وضيعناكم ولا أبناءكم ضحوا من أجلها عشان هى تستقر".
وأضاف الرئيس السيسى: "لو أنا كنت متردد فى الإصلاح كنت هقدم على الإصلاح الاقتصادى، أصلح إيه، طيب أصلحه ازاي، راهنت على نفسى كقرار ولا راهنت على شعب مستعد لتحمل تكاليف الإصلاح.
أضاف: طيب لما عملنا كده كسبنا وقفنا على رجلينا، مؤسسات التمويل الدولية فى أصعب أوقات على كل دول العالم، مصر فين، يا ترى متراجعة ولا متقدمة إن شاء الله".
