محمد نور فى راديو 9090 : أتمنى تقديم أغنية شعبية مع شيبة أو الليثى
حل المطرب محمد نور، أمس الثلاثاء، ضيفا على برنامج "الراديو بيضحك" عبر إذاعة الراديو 9090 مع الإعلامية فاطمة مصطفى.
واحتفل محمد نور خلال الحلقة بنجاح أحدث أعماله الغنائية "جانى فى ملعبى" بعدما حققت الأغنية ردود فعل إيجابية ونجاحا منذ طرحها مؤخرا، وتحقيقها أكثر من 2 مليون مشاهدة، وتعاون فيها لأول مرة مع الشاعر والملحن عزيز الشافعى والموزع إسلام ساسو.
وقال: "الأغنية سينجل وعملتها مع شركة لايف ستايل ستوديوز، واتكلمنا مع بعض نعمل حاجة مختلفة تماما عن الأغنيات اللى قدمتها قبل كده، وتوقعت نجاحها وحصل فعلا".
وأضاف: "لو عملت دويتو هاعمل أغنية مع حد شعبى، أحمد شيبة مثلا أو محمود الليثى".
وعبر محمد نور عن سعادته بردود الأفعال التى وصلته عن الأغنية، قائلا: "عزيز الشافعى لو عايز حاجة مختلفة تروحله، والسنة دى عامل شغل جامد، وكل الأغنيات الناجحة فى 2020 بتوقيعه، زى أماكن السهر ولينا رقصة، وكل حاجته حلوة، وده أول تعاون بينا ومش هايكون الأخير".
وعن كلمات الأغنية الغريبة، قال محمد نور: "التجديد فى طريقة الكلام واللحن مطلوبة".
وأكد المطرب محمد نور انه لن يطرح هذا العام ألبوم جديد، موضحاً ان العام المقبل سيشهد صدور مبنى ألبوم له .
وقال محمد نور: "السنة دى صعب نسمع أو ننزل ألبوم كامل وده ملوش علاقة بفيروس كورونا بس إحنا السنة دى ملحقناش نعمل أى شغل، وفى رأيى ده مش وقت نزول ألبومات جديدة".
وأضاف: "السنة اللى جاية هانزل مينى ألبوم فيه 8 أغنيات بس، وشايف أنه صعب نسمع ألبوم فيه أغنيات أكتر من كده ماقدرش أسمع 8 أغانى لمطرب مهما كانوا حلوين علشان هاتوه، وهاننزل الألبوم على أسبوعين كل أسبوع أغنية".
